අම්බලන්ගොඩ පොලිස් ස්ථානය තුළදී අද (24) පස්වරුවේ සිදු වූ අහඹු වෙඩි තැබීමකින් පොලිස් කොස්තාපල්වරයෙකු තුවාල ලබා තිබේ. රාජකාරිය සඳහා වාර්තා කිරීමට පැමිණි අවස්ථාවේදී මෙම අනපේක්ෂිත සිදුවීමට ඔහු මුහුණ දී ඇති බව වාර්තා වේ.එම නිලධාරියා රාජකාරි ආරම්භ කිරීමට පෙර සිය ගිනිඅවියේ ක්රියාකාරීත්වය පරීක්ෂා කරමින් සිටියදී, එය අත්වැරදීමකින් ක්රියාත්මක වී ඇත. මෙහිදී නිකුත් වූ වෙඩි උණ්ඩය වැදී ඇත්තේ ඔහුගේම පාදයකට බව පොලිස් ආරංචි මාර්ග තහවුරු කරයි.තුවාල ලැබූ කොස්තාපල්වරයාව වහාම ක්රියාත්මක වූ සෙසු නිලධාරීන් විසින් පොලිස් රථයකින්ම බලපිටිය මූලික රෝහල වෙත රැගෙන ගොස් ඇත. මේ වන විට ඔහු එහි නේවාසිකව ප්රතිකාර ලබමින් පසුවේ.රෝහල් ආරංචි මාර්ග සඳහන් කරන්නේ වෙඩි වැදීමෙන් කොස්තාපල්වරයාට තුවාල සිදු වුවද, ඔහුගේ ජීවිතයට අනතුරක් නොමැති අතර තත්ත්වය බරපතල නොවන බවයි. සිද්ධිය සම්බන්ධයෙන් අම්බලන්ගොඩ පොලීසිය වැඩිදුර පරීක්ෂණ පවත්වයි.
අම්බලන්ගොඩදී පොලිස් නිලධාරියෙකුට සිය ගිනිඅවියෙන්ම වෙඩි වැදෙයි
