පවතින අයහපත් කාලගුණික තත්ත්වය හේතුවෙන් ජාතික වනෝද්‍යාන කිහිපයක සංචාරක කටයුතු තාවකාලිකව අත්හිටුවා ඇති බව වනජීවී සංරක්ෂණ දෙපාර්තමේන්තුව නිවේදනය කරයි. දෙපාර්තමේන්තුවට අනුව, පවතින වැසි සහිත කාලගුණික තත්ත්වය හේතුවෙන් ඇතැම් ජාතික වනෝද්‍යානවලට පිවිසීම මේ වන විට අත්හිටුවා තිබේ. වැසලගමුව ජාතික වනෝද්‍යානයේ පිහිටි වවුලබේ සහ මහවැලි සංචාරක බංගලා ජලයෙන් යටවීම හේතුවෙන් වසා දමා ඇති බවද වනජීවී දෙපාර්තමේන්තුව වැඩිදුරටත් සඳහන් කළේය. තවද, හෝර්ටන් තැන්න ජාතික වනෝද්‍යානයට පිවිසෙන ඔහිය සහ පට්ටිපොළ පිවිසුම් මාර්ග දෙකම වර්ෂාව හේතුවෙන් අවහිර වී ඇති බවද දෙපාර්තමේන්තුව වැඩිදුරටත් පැවසීය.
අයහපත් කාලගුණය හේතුවෙන් ජාතික වනෝද්‍යාන රැසක් වසයි
