රටේ වත්මන් ආර්ථික හා බලශක්ති අර්බුදය හමුවේ රජය අනුගමනය කරන වැඩපිළිවෙළ දැඩි දෝෂදර්ශනයට ලක් කරමින් පාර්ලිමේන්තු මන්ත්රී එස්.එම්. මරික්කාර් මහතා අවධාරණය කරන්නේ, ඉන්ධන සැපයුම ප්රමාණවත් නම් QR කේත ක්රමය නැවත ක්රියාත්මක කිරීමේ අවශ්යතාවක් පැන නොනගින බවයි. ඉන්ධන පරිභෝජනය සීමා කිරීමට සිදුව ඇති බවට වන සැබෑ තත්ත්වය ජනතාවගෙන් සඟවන රජය, බදු සහන ලබා දෙමින් තෙල් මිල අඩු කිරීමට ඇති හැකියාව මගහැර සිටින බවට ඔහු චෝදනා කරයි. විපක්ෂයේ සිටියදී හඬ නැගූ පාර්ශවයන් අද ආණ්ඩුවේ සිටිමින් මෙවැනි ගැටලු හමුවේ නිහඬව සිටීම ජනතාවට කරන බලවත් අසාධාරණයක් බව මන්ත්රීවරයා පෙන්වා දෙයි.බලශක්ති ක්ෂේත්රය තුළ සිදුව ඇති මහා පරිමාණ ගල්අඟුරු වංචාව පිළිබඳව කරුණු අනාවරණය කරන මරික්කාර් මහතා, මෙරටට ගෙන්වන ලද ගල්අඟුරු නැව් නවයක (09) අඩංගු ද්රව්ය ප්රමිතියෙන් තොර බව සඳහන් කළේය. ලක්විජය බලාගාරයේ විදුලි උත්පාදනය පහත වැටීම නිසා ඉදිරි වසරේදී දීර්ඝ විදුලි කප්පාදුවකට සහ විදුලි බිල ඉහළ යාමකට ජනතාවට මුහුණ දීමට සිදුවන බවට ඔහු අනතුරු අඟවයි. මෙම දූෂිත ගනුදෙනු සම්බන්ධයෙන් අදාළ අමාත්යවරයාට එරෙහිව අල්ලස් කොමිසම නඩු පවරා තිබුණද, පාලක පාර්ශවයේ ප්රධානීන් ඒ පිළිබඳව කිසිදු හඬක් නොනැගීම පිටුපස ඇති රහසිගත එකඟතාවය ඔහු ප්රශ්න කර සිටියි.ගෝලීය දේශපාලන ප්රවණතා සහ හෝමුස් සමුද්ර සන්ධියේ පවතින අර්බුදකාරී තත්ත්වයන් පිළිබඳව සජිත් ප්රේමදාස මහතා මීට පෙර කළ පූර්ව අනතුරු ඇඟවීම් රජය නොසලකා හැරීම නිසා අද සමස්ත ජාතියම වන්දි ගෙවමින් සිටින බව මන්ත්රීවරයා පැවසීය. කෝවිඩ් එන්නත්කරණයේදී මෙන්ම බලශක්ති සුරක්ෂිතතාව සම්බන්ධයෙන්ද රජය අනුගමනය කරන්නේ අදූරදර්ශී පිළිවෙතකි. රුසියාව සහ ඉන්දියාව වැනි රටවල් සමඟ රාජ්ය තාන්ත්රික මට්ටමින් සාකච්ඡා කර සහනදායී මිලකට ඉන්ධන ගෙන්වීමට රජය වහා මැදිහත් විය යුතු බවත්, ජනතාව පීඩාවට පත් කරන තීන්දු වෙනුවට විද්යාත්මක විසඳුම් කරා යා යුතු බවත් ඔහු අවධාරණය කළේය.රටේ ජනතාව පක්ෂ භේදයකින් තොරව පොදුවේ අත්විඳින මෙම ආර්ථික දුෂ්කරතා දෙස බලාපොරොත්තු විරහිතව බලා සිටිය නොහැකි බව පවසන මරික්කාර් මහතා, පවතින තත්ත්වයෙන් රට මුදා ගැනීමට විපක්ෂය සතුව පැහැදිලි වැඩපිළිවෙළක් ඇති බව ප්රකාශ කළේය. අතීතයේ කී දේවල් අමතක කර ජනතාව පීඩාවට පත් කරන “සිස්ටම්” වෙනස් කළ යුත්තේ වචනයෙන් නොව ක්රියාවෙන් බවත්, ජාතික ප්රශ්න හමුවේ සාමුහිකව එකඟතාවයකට පැමිණ විසඳුම් සෙවීම කාලීන අවශ්යතාවයක් බවත් ඔහු වැඩිදුරටත් කියා සිටියේය.
අර්බුද හමුවේ ආණ්ඩුවේ නිහඬතාව සහ බලශක්ති මාෆියාව: එස්.එම්. මරික්කාර් දැඩි විවේචනයක
