වර්ෂ 2025 මුල් මාස නවය තුළ ශ්‍රී ලංකාවේ පවතින අඛණ්ඩ ඇත්-මිනිස් ගැටුම හේතුවෙන් පුද්ගලයන් සහ ඇතාදී සතුන් 427ක් ජීවිතක්ෂයට පත්ව ඇති බව දත්ත මගින් හෙළි වී තිබේ.වනජීවී සංරක්ෂණ දෙපාර්තමේන්තුවට අනුව, 2025 වසරේ මෙතෙක් අලි ඇතුන් 314ක් මිය ගොස් ඇති අතර, එම කාලය තුළ අලි ප්‍රහාරවලින් පුද්ගලයන් 113 දෙනෙකු ජීවිතක්ෂයට පත්ව ඇත.දෙපාර්තමේන්තුවේ ජ්‍යෙෂ්ඨ නිලධාරියෙකු පැවසුවේ අලි මරණවලට හේතු අතර වෙඩි වැදීම් 53ක්, විදුලි සැර වැදීම් 44ක්, ‘හක්ක පටස්’ ලෙස හඳුන්වන ආහාරවල සඟවා තිබූ පුපුරණ ද්‍රව්‍ය නිසා සිදුවීම් 35ක් සහ දුම්රිය ගැටීම් 14ක් ඇතුළත් බවයි.ඉතිරි මරණ ස්වභාවික හේතූන් හෝ හඳුනා නොගත් හේතූන් මත සිදුවී ඇත. මියගිය අලින්ගෙන් වැඩි දෙනෙක් ළමා අලි වීම විශේෂත්වයකි.තවද, අලි මරණවලින් බහුතරයක් වාර්තා වී ඇත්තේ නැගෙනහිර පළාතෙනි.මෙම ගැටුම හේතුවෙන් 2024 වසරේදී සමස්ත අලි මරණ 388ක් සහ මිනිස් මරණ 155ක් වාර්තා වූ බවද එම නිලධාරීවරයා වැඩිදුරටත් පැවසීය.
අලි-මිනිස් ගැටුම් දරුණු වීමෙන් ජීවිත 400කට වඩා අහිමි වෙයි
