වත්මන් රජය බලයට පත්වූ දා සිට ජනතාව මුලා කරමින් කටයුතු කරන බවත්, පසුගිය රජයන්ට වඩා දූෂිත ලෙස වර්තමාන පාලනය ක්රියාත්මක වන බවත් ‘බහුජන බලය’ ව්යාපාරයේ උප සභාපතිනී කුමුදුනී බණ්ඩාර මහත්මිය චෝදනා කරයි. ජනාධිපතිවරයා පාර්ලිමේන්තුවේදී සිදුකළ ප්රකාශ හරහා රටේ සැබෑ ගැටලු විසඳනවා වෙනුවට ඒවා යටපත් කිරීමට උත්සාහ කර ඇති බව ඇය පෙන්වා දුන්නාය. විශේෂයෙන්ම ගල්අඟුරු ගනුදෙනු හා සම්බන්ධ අර්බුද හුදෙක් වචන හරහා වසන් කළ නොහැකි බවත්, රාජ්ය නායකයෙකු ලෙස තම ප්රකාශයන්හි වගකීම ජනාධිපතිවරයා තේරුම් ගත යුතු බවත් ඇය වැඩිදුරටත් අවධාරණය කළාය.පවතින ජාත්යන්තර දේශපාලන බල අරගල හමුවේ ශ්රී ලංකාව මෙතෙක් අනුගමනය කළ නොබැඳි පිළිවෙතින් බැහැර වීම පිළිබඳව එම සංවිධානයේ ලේකම් පියල් දර්ශන ගුරුගේ මහතා සිය කනස්සල්ල පළ කළේය. රජය විසින් ඇමරිකාව සමඟ අත්සන් කර ඇති බව කියන රහස්ය ආරක්ෂක ගිවිසුම පිළිබඳව මෙතෙක් පාර්ලිමේන්තුවට කරුණු අනාවරණය කර නොමැති බව ඔහු පවසයි. ලෝක බලවතුන්ගේ යුද්ධයන්ට මැදිහත් නොවී මධ්යස්ථ ප්රතිපත්තියක සිටීම රටේ ආරක්ෂාවට අත්යවශ්ය වුවද, මෙවැනි විනිවිදභාවයකින් තොර ගිවිසුම් හරහා රට අනවශ්ය අවදානමක හෙළා ඇති බව ඔහු පෙන්වා දුන්නේය.මීට අමතරව, ගල්අඟුරු ආනයනය කිරීමේදී සිදුවී ඇති බව කියන විශාල පාඩුව සහ ඒ ආශ්රිතව සිදුව ඇති දැවැන්ත පරිසර හානිය පිළිබඳව ද මෙහිදී අවධානය යොමු කෙරිණි. නව වන ගල්අඟුරු නැව සම්බන්ධයෙන් වූ මූල්ය අලාභය රජය විසින් ජනතාව මත පැටවීමට සූදානම් වන බවත්, ඒ පිළිබඳව විධිමත් පරීක්ෂණයක් පවත්වා සැබෑ වගකිවයුත්තන් හෙළි කළ යුතු බවත් බහුජන බලය ව්යාපාරය අවධාරණය කරයි. ජනතාව පීඩාවට පත් නොකර මෙවැනි අලාභයන් පියවා ගැනීමට රජය සතු වැඩපිළිවෙල කුමක්දැයි ඔවුන් මෙහිදී ප්රශ්න කර සිටියේය.
ආණ්ඩුවේ ක්රියාකලාපය සහ රහස්ය ආරක්ෂක ගිවිසුම් ගැන ‘බහුජන බලය’ දැඩි විවේචනයක
