පසුගියදා ඇති වූ ආපදා තත්ත්වයන්ට අදාළව රජයේ ආර්ථිකය යළි නඟා සිටුවීමේ සැලැස්ම ජාත්යන්තර මූල්ය අරමුදල (IMF) සමඟ සාකච්ඡා කරමින් ක්රියාත්මක කරන බව නිලධාරියෙකු ඊයේ (07) පැවසීය. මේ වන විට රජයේ බලධාරීන් ‘දිට්වා’ සුළි කුණාටුවෙන් සිදු වූ නිශ්චිත ආර්ථික හානිය තක්සේරු කිරීමේ ක්රියාවලියක නිරතව සිටී. කෙසේ වෙතත්, ගංවතුර, නාය යෑම් සහ පස් කඳු කඩා වැටීම් ඇතුළු ආපදා මාලාවෙන් ඇමරිකානු ඩොලර් බිලියන 6-7 ක පමණ හානියක් සිදුවී ඇති බවට දළ වශයෙන් ගණන් බලා ඇත. පවතින තත්ත්වය යටතේ දැනට ක්රියාත්මක IMF වැඩසටහන නැවත සාකච්ඡා කරන්නේද යන්න විමසූ විට, රජය සෑම දෙයක්ම IMF සමඟ සාකච්ඡා කරමින් සිදු කරන බව ඔහු පැවසීය. IMF හි සාර්ව ආර්ථික ඉලක්කවලට දිගටම ඇලී සිටීමේ හැකියාව පිළිබඳ විමසීමකට ප්රතිචාර දක්වමින්, “ඒ පිළිබඳව පැවසීමට තවමත් කල් වැඩියි” යනුවෙන් ඔහු සඳහන් කළේය. කෙසේ වෙතත්, ජනාධිපති අනුර කුමාර දිසානායක මහතා විසින් දක්වා ඇති පරිදි, 2026 වසර සඳහා නව අයවැයක් ඉදිරිපත් නොකරන බව ඔහු පැවසීය. ශ්රී ලංකාව සඳහා වන ජාත්යන්තර මූල්ය අරමුදලේ (IMF) දූත මණ්ඩල ප්රධානී, එවන් පැපජෝර්ජියෝ (Evan Papageorgiou) මහතා මීට පෙර පැවසුවේ, “ශ්රී ලංකා බලධාරීන් SDR මිලියන 150.5 ක (කෝටාවේ දළ වශයෙන් 26% ක් හෝ ඇමරිකානු ඩොලර් මිලියන 200 ක් පමණ) වේගවත් මූල්යකරණ උපකරණය (RFI) යටතේ IMF වෙතින් මූල්ය ආධාර ඉල්ලා ඇත. මෙම ඉල්ලීම දැනට සලකා බලමින් පවතින අතර, එය IMF විධායක මණ්ඩලයේ අනුමැතියට යටත් වේ. “මෙම අභියෝගාත්මක කාල පරිච්ඡේදය තුළ IMF ශ්රී ලංකා බලධාරීන් සමඟ සමීපව කටයුතු කරයි; තවද රටේ හදිසි යථා තත්ත්වයට පත්වීමේ, ප්රතිසංස්කරණය කිරීමේ සහ අනාගතය සඳහා ඔරොත්තු දීමේ හැකියාව ප්රවර්ධනය කිරීමේ උත්සාහයන්ට සහාය වීමට කැපවී සිටින බව” පැපජෝර්ජියෝ මහතා පැවසීය.
ආපදා පසු ආර්ථිකය යළි නඟා සිටුවීමේ සැලැස්ම IMF සමඟ සාකච්ඡා කරයි
