පවත්නා ආර්ථික තත්ත්වය හමුවේ බදාදා දින රජයේ නිවාඩු ලබාදීම වැනි ක්රියාමාර්ග පිළිබඳව නැවත සමාලෝචනය කළ යුතු බව හිටපු අමාත්ය අලි සබ්රි මහතා පෙන්වා දෙයි. සතිය මැද මෙලෙස නිවාඩු ලබාදීමෙන් වැඩපිළිවෙළවල් අඩාල වන අතර, එමගින් ආර්ථිකය තවදුරටත් සංකෝචනය විය හැකි බව ඔහු සඳහන් කරයි. නිවාඩු ලබාදෙනවා වෙනුවට ‘නිවසේ සිට වැඩ කිරීමේ’ (Work from Home) ක්රමය වඩාත් ප්රායෝගික බවත්, එලෙස නොවුණහොත් රටේ නිෂ්පාදන ක්රියාවලියට එය සෘජුවම බලපාන බවත් ඔහු වැඩිදුරටත් අවධාරණය කළේය.විදේශ විනිමය ආරක්ෂා කර ගැනීම වෙනුවෙන් වාහන සහ සුඛෝපභෝගී භාණ්ඩ ආනයනය තාවකාලිකව සීමා කිරීමේ අවශ්යතාව මෙහිදී අවධාරණය විය. විශේෂයෙන්ම ගෝලීය යුදමය තත්ත්වයන් හේතුවෙන් ඉන්ධන, පොහොර සහ ගල් අඟුරු වැනි අත්යවශ්ය ද්රව්යවල මිල ඉහළ යාම සහ සැපයුම් ජාල බිඳ වැටීම හමුවේ මෙවැනි සීමාවන් පැනවීම අත්යවශ්ය වේ. මීට පෙර හඳුන්වා දුන් QR පද්ධතිය වැනි ක්රමවේද හරහා තෙල් පරිභෝජනය පාලනය කිරීම යහපත් වුවත්, එය ආර්ථික ක්රියාකාරකම්වලට බාධාවක් නොවන අයුරින් කළමනාකරණය කර ගැනීම ඉතා වැදගත් බව අමාත්යවරයා පවසයි.භූ දේශපාලනික වශයෙන් ඉන්දියන් සාගර කලාපයේ සාමය පවත්වා ගැනීම සම්බන්ධයෙන් ශ්රී ලංකාවට සුවිශේෂී වගකීමක් පවතින බවද මෙහිදී මතක් කර දෙන ලදී. හිටපු අගමැතිනි සිරිමාවෝ බණ්ඩාරනායක මැතිණිය විසින් ආරම්භ කළ සාම කලාපීය ප්රතිපත්තිය තවදුරටත් ඉදිරියට ගෙන යාම රටේ ස්වෛරීභාවයට මෙන්ම ආර්ථික ස්ථාවරත්වයටද ඉතා වැදගත් වේ. ඒ අනුව, කලාපීය ආරක්ෂාව තහවුරු කරමින් ආර්ථික අර්බුදයෙන් ගොඩ ඒම සඳහා වන සාමූහික ප්රවේශයක අවශ්යතාව ඔහු පෙන්වා දුන්නේය.
ආර්ථික අර්බුදය හමුවේ දැඩි තීන්දු: නිවාඩු සහ ආනයන සීමා ගැන අලුත් කතාවක්
