ශ්‍රී ජයවර්ධනපුර රොහලේ විශේෂඥ වෛද්‍යවරයාගේ නිර්දේශ පරිදි උක්ත සිරකරු බන්ධනාගාර රෝහලට ඇතුළත් කර, බන්ධනාගාර රෝහලේ නේවාසික ප්‍රතිකාර ලබමින් සිටි අතර අදාල සිරකරුගේ රෝගී තත්ත්වය සම්බන්ධයෙන් තවදුරටත් බන්ධනාගාර රෝහල තුල නේවාසික ප්‍රතිකාර ලබා දීම අවශ්‍යද යන්න බන්ධනාගාර කොමසාරිස් ජනරාල්තුමා විසින් සෞඛ්‍ය සේවා අධ්‍යක්ෂ ජනරාල්තුමාගෙන් ලිඛිතව විමසා සිටි අතර ඒ සදහා 18 දෙනෙකුගෙන් යුතු විශේෂඥ වෛද්‍ය කණ්ඩායමක් පත් කරනු ලැබීය.
එම කමිටුව විසින් ලබා දෙන ලද නිර් දේශය අද දින බ න්ධනාගාර දෙපාර්තමේන්තුවට ලද අතර එහි සදහන් පරිදි අදාළ සිරකරුට තවදුරටත් බන්ධනාගාර රෝහල තුල හෝ වෙනත් රෝහලක රෝහල් ගත කර සිටීමේ අවශ්‍යතාවයක් නොමැති බවයි. එහි වැඩි දුරටත් සදහන් කර තිබුණේ ඕනෑම අවස්ථාවක හදිසි සංකූලතාවයක් ඇති වුවහොත් ඒ සදහා නොපමාව ප්‍රතිකාර ලබා දිය යුතු බවයි.
ඒ අනුව අදාල නිර්දේශ අනුව ආර්. දුමින්ද සිල්වා යන අය බන්ධනාගාර රෝහලේ සිට වැලිකඩ බන්ධනාගාරයේ සාමාන්‍ය වාට්ටුවකට ඇතුලත් කෙරිණි. අදාළ සිරකරුගේ හදිසි සංකූලතාවයකදි ගත යුතු කඩිනම් පියවර සම්බන්ධයෙන් වැලිකඩ අධිකාරිවරයාට උපදෙස් ලබා දීමක්ද සිදු විය.
ගාමිණී බී. දිසානායක
බන්ධනාගාර කොමසාරිස්
මාධ්‍ය ප්‍රකාශක
