නූතන ඉන්දියානු සංගීත ලෝකයේ නොමැකෙන සලකුණක් තැබූ ප්රවීණ ගායන ශිල්පිනී ආශා බෝස්ලේ මහත්මිය අභාවප්රාප්ත වූවාය. මිය යන විට 92 වැනි වියේ පසු වූ ඇය, දශක ගණනාවක් පුරා භාරතීය සිනමාව සහ සංගීතය පෝෂණය කළ අසමසම හඬ පෞරුෂයකි. ඇයගේ නික්ම යාම ඉන්දීය සංගීත ක්ෂේත්රයට මෙන්ම ලොව පුරා විසිරී සිටින ඇයගේ රසික ජනතාවට ද පිරිමැසිය නොහැකි පාඩුවකි.හෘදයාබාධයක් සහ හදිසි ශ්වසන අපහසුතාවයක් හේතුවෙන් ඇය ඊයේ මුම්බායි හි පෞද්ගලික රෝහලක් වෙත ඇතුළත් කර තිබුණි. එහි දැඩි සත්කාර ඒකකයේ ප්රතිකාර ලබමින් සිටියදී අද (12) උදෑසන ඇය මෙලොව හැර ගිය බව ඉන්දීය මාධ්ය නිල වශයෙන් තහවුරු කර ඇත. රෝහල් ආරංචි මාර්ග සඳහන් කරන්නේ වෛද්යවරුන් දැඩි උත්සාහයක නිරත වුවද ඇයගේ ජීවිතය බේරා ගැනීමට නොහැකි වූ බවයි.ගිනස් වාර්තා පොතට පවා හිමිකම් කී මෙම අග්රගණ්ය කලාකාරිනිය, භාෂා රැසකින් ගීත දහස් ගණනක් ගායනා කරමින් රසික හදවත් දිනාගත් තැනැත්තියකි. ඇයගේ අභාවය වෙනුවෙන් ඉන්දීය අග්රාමාත්යවරයා ඇතුළු දේශපාලන හා කලා ක්ෂේත්රයේ ප්රභූන් රැසක් මේ වන විට සිය ශෝකය පළ කරමින් සිටිති. ආශා බෝස්ලේගේ නිසල දේහය පිළිබඳ අවසන් කටයුතු ඉදිරි දිනකදී මුම්බායි හිදී සිදු කිරීමට නියමිතය.
ඉන්දීය ගීත කෝකිලාවිය ආශා බෝස්ලේ දිවියෙන් සමුගනී
