ලංකා ඛණිජ තෙල් නීතිගත සංස්ථාව හෙට සිට වාහන අංක තහඩුවේ අවසාන ඉලක්කම අනුව ඉන්ධන නිකුත් කිරීමට සූදානම් වීමත් සමඟ, නිසි අංක තහඩු නොමැති වාහන හිමිකරුවන් සඳහා මෝටර් රථ ප්රවාහන දෙපාර්තමේන්තුව විශේෂ උපදේශන මාලාවක් නිකුත් කර ඇත. ප්රසම්පාදන ක්රියාවලියේ පවතින ප්රමාදයන් හේතුවෙන් මෑතකදී නිල අංක තහඩු නිකුත් කිරීමට නොහැකි වී ඇති අතර, ඒ වෙනුවට විවිධ වර්ගයේ තාවකාලික හෝ නිල නොවන අංක තහඩු භාවිතා කරන වාහන හිමියන්ට ඉන්ධන ලබාගැනීමේදී අනන්යතාවය තහවුරු කිරීමට වලංගු ලේඛන ඉදිරිපත් කරන ලෙස දන්වා සිටියි.ඒ අනුව, අංක තහඩු රහිත වාහන හිමිකරුවන් ඉන්ධන ලබාගැනීමට පැමිණීමේදී ආදායම් බලපත්රය, ලියාපදිංචි සහතිකය (පොත), රක්ෂණ සහතිකය හෝ දුම් පරීක්ෂණ වාර්තාව යන ලේඛනවලින් එකක් ඉදිරිපත් කළ යුතුය. මෙම පියවර මගින් නිසි ලියාපදිංචියක් සහිත වාහන සඳහා කිසිදු බාධාවකින් තොරව ඉන්ධන ලබාගැනීමට අවස්ථාව සැලසෙන බව මෝටර් රථ ප්රවාහන දෙපාර්තමේන්තුව වැඩිදුරටත් අවධාරණය කරයි.
ඉන්ධන ලබාගැනීමේදී අංක තහඩු නැති වාහන හිමිකරුවන්ට විශේෂ දැනුම්දීමක්!
