පවතින යුදමය උණුසුම හමුවේ තීරණාත්මක එකඟතාවයකට පැමිණීම සඳහා ඉරානයට තවත් ඉතිරිව ඇත්තේ පැය 48ක කෙටි කාලයක් පමණක් බව අමෙරිකානු ජනාධිපති ඩොනල්ඩ් ට්රම්ප් පවසයි. දෙපාර්ශ්වය අතර පවතින ගැටුම් සමනය කරගැනීමේ අරමුණින්, ඉරානයේ බලශක්ති මර්මස්ථාන ඉලක්ක කර ප්රහාර එල්ල කිරීම දින 10කට කල් දැමීමට මීට පෙර අමෙරිකාව පියවර ගෙන තිබුණි. එම සහන කාලය දැන් අවසන් අදියරට පැමිණ ඇති බව ජනාධිපතිවරයා අවධාරණය කරයි.මෙම තීරණාත්මක කාලසීමාව තුළදී හෝමූස් සමුද්ර සන්ධිය යළි විවෘත කිරීමට හෝ අමෙරිකාව ඉදිරිපත් කර ඇති කොන්දේසිවලට එකඟ වීමට ඉරානය කටයුතු කළ යුතු බව ධවල මන්දිරය දැනුම් දී තිබේ. කලාපීය බලශක්ති සැපයුමට අතිශය වැදගත් වන මෙම මුහුදු මාර්ගයේ ආරක්ෂාව සහ ස්ථාවරත්වය තහවුරු කිරීම අමෙරිකාවේ ප්රධාන අපේක්ෂාව වී ඇත.ඉරානය මෙම කාලය තුළ දක්වන ප්රතිචාරය මත කලාපයේ ඉදිරි යුදමය වාතාවරණය තීරණය වනු ඇතැයි විදේශ විශ්ලේෂකයෝ පවසති. දින 10ක කාලසීමාව අවසානයේ ඉරානය එකඟතාවයකට නොපැමිණියහොත් එරට ආර්ථික මර්මස්ථාන ඉලක්ක කරගනිමින් දැවැන්ත ප්රහාර එල්ල වීමේ අවදානමක් පවතින බවට ද අමෙරිකානු ජනාධිපතිවරයා අනතුරු අඟවා තිබේ.
ඉරානයට අමෙරිකාවෙන් පැය 48ක අවසාන නිවේදනයක්!
