රට තුළ පැවති ආපදා තත්ත්වය හේතුවෙන් කල්දැමීමට සිදු වූ 2025 අපොස උසස් පෙළ විභාගයේ ඉතිරි විෂයයන් සඳහා වන පරීක්ෂණ 2026 ජනවාරි 12 වනදා සිට ජනවාරි 20 වනදා දක්වා පැවැත්වීමට විභාග දෙපාර්තමේන්තුව තීරණය කර ඇත. විභාග කොමසාරිස් ජනරාල් ඉන්දිකා කුමාරි ලියනගේ මහත්මිය සඳහන් කළේ, නියමිත කාලසටහනට අනුව ජනවාරි 12 වනදා විභාග කටයුතු යළි ආරම්භ කර ජනවාරි 20 වනදා අවසන් කරන බවයි. දිවයින පුරා පිහිටි විභාග මධ්යස්ථාන 2,086කදී මෙම විභාගය පැවැත්වෙන අතර, විභාග කාලසීමාව තුළ සම්බන්ධීකරණ මධ්යස්ථාන 325ක් සහ ප්රාදේශීය එකතු කිරීමේ මධ්යස්ථාන 32ක් ක්රියාත්මක වනු ඇත.සුළි කුණාටුව හේතුවෙන් ඇති වූ අයහපත් කාලගුණික තත්ත්වය සහ බාධාවන් නිසා මෙම විෂයයන් කල්දැමීමට මීට පෙර පියවර ගැනුණි. පවතින තත්ත්වය සැලකිල්ලට ගනිමින්, ආපදා හේතුවෙන් ජාතික හැඳුනුම්පත හෝ වෙනත් වලංගු අනන්යතා ලේඛන අහිමි වූ සිසුන්ට ඒ වෙනුවට සහතික කරන ලද තැපැල් හැඳුනුම්පත් ප්රමාණයේ ඡායාරූප දෙකක් ඉදිරිපත් කර විභාගයට පෙනී සිටීමට අවස්ථාව ලබා දී ඇත. ඉතිරි විභාග කටයුතු බාධාවකින් තොරව පවත්වාගෙන යාම සඳහා අවශ්ය සියලු කටයුතු සූදානම් කර ඇති බැවින්, සංශෝධිත කාලසටහනට අනුව විභාගයට පෙනී සිටින ලෙස දෙපාර්තමේන්තුව සියලු අපේක්ෂකයින්ගෙන් ඉල්ලා සිටියි.
කල්දැමූ උසස් පෙළ විභාගය ජනවාරි 12 සිට
