ආනයනික කිරිපිටි මිල ඉහළ යෑම හේතුවෙන් කිරි තේ එකක මිල අනිවාර්යයෙන් වැඩි කිරීමට සිදුවන බව සමස්ත ලංකා ආපනශාලා සහ අවන්හල් හිමියන්ගේ සංගමයේ සභාපති හර්ෂණ රුක්ෂාන් ප්‍රකාශ කරයි.
ඒ අනුව, අප්‍රේල් 1 වැනිදා සිට කිරි තේ එකක මිල රුපියල් 10කින් ඉහළ දැමීමට තීරණය කළ බව ඔහු සඳහන් කළේය.
මේ අතර, ආනයනික කිරිපිටි මිල අප්‍රේල් 1 වැනිදා සිට සියයට 4.7කින් වැඩි කරන බව කිරිපිටි ආනයනකරුවන්ගේ සංගමය පසුගිය දිනවල දැනුම් දුන්නා.
ඒ හේතුවෙන් ආනයනික කිරිපිටි ග්‍රෑම් 400 පැකට්ටුවක මිල රුපියල් 50කින් ඉහළ යන අතර, එහි නව මිල රුපියල් 1,100ක් බවට පත්වනවා.
