කෙරවලපිටිය අපද්රව්ය අංගනයේ පසුගිය 25 වනදා හටගත් ගින්න හේතුවෙන් ප්රදේශයේ පරිසර පද්ධතියට සහ ජනජීවිතයට එල්ල වූ බලපෑම පිළිබඳව විධිමත් වාර්තාවක් කැඳවීමට පරිසර අමාත්යාංශය පියවර ගෙන තිබේ. වගුරුබිම් ගොඩකර පවත්වාගෙන යනු ලබන මෙම ස්ථානයේ ඇති වූ තත්ත්වය සම්බන්ධයෙන් වහාම විමර්ශනයක් පවත්වන ලෙස වැඩබලන පරිසර අමාත්යවරයා ලෙස නියෝජ්ය අමාත්ය ඇන්ටන් ජයකොඩි මහතා අමාත්යාංශ ලේකම්වරයා වෙත උපදෙස් ලබා දී ඇත. වගුරු බිමක අපද්රව්ය බැහැර කිරීමේදී සිදුවන ජීව විද්යාත්මක ක්රියාවලීන් නිසා මීතේන් වැනි වායු සිරවීම මෙම ගින්නට බලපා ඇති බවට සැක කෙරේ.මෙහිදී ප්රධාන වශයෙන් කරුණු තුනක් කෙරෙහි අවධානය යොමු කර ඇති අතර, ඉන් පළමුවැන්න වන්නේ මීතේන් වායු විමෝචනය පාලනය කිරීමයි. වගුරුබිම තුළ සිරවී ඇති වායූන් නිසා ගින්න තවදුරටත් පැතිරයාම වැළැක්වීමටත්, එමගින් වායුගෝලයට හා ඕසෝන් ස්ථරයට සිදුවන හානිය අවම කිරීමටත් මධ්යම පරිසර අධිකාරියේ සහ ඕසෝන් ඒකකයේ තාක්ෂණික දායකත්වය ලබා ගැනීමට නියමිතය. විද්යානුකූල පදනමක් මත මෙම වායු විමෝචනය පාලනය කිරීමේ හදිසි අවශ්යතාවය අමාත්යාංශය පෙන්වා දෙයි.දෙවනුව, රජය විසින් ක්රියාත්මක කරන නව විද්යානුකූල ප්රතිචක්රීකරණ වැඩපිළිවෙළ මධ්යයේ මෙවැනි ආපදාවක් සිදුවීමට බලපෑ හේතු සෙවීමට නියමිතය. මෙහිදී කිසියම් පරිපාලනමය දුර්වලතාවක් හෝ තාක්ෂණික ලුහුඬුකමක් සිදුව ඇත්ද යන්න පිළිබඳව දැඩි අවධානයක් යොමු කෙරේ. අපද්රව්ය කළමනාකරණය විධිමත් කිරීමේ රජයේ ප්රතිපත්තිය හමුවේ මෙවැනි සිදුවීම් නැවත ඇති නොවීමට ගත හැකි ක්රියාමාර්ග පිළිබඳව ද මෙම වාර්තාව මගින් කරුණු විමසනු ඇත.තෙවනුව, මෙම ගින්න හේතුවෙන් විනාශයට පත් වූ සංවේදී වගුරු බිම් පද්ධතිය යථා තත්ත්වයට පත් කිරීම සඳහා වන යෝජනා ඇතුළත් වාර්තාවක් ද කැඳවා තිබේ. ස්වභාවික පරිසරයට සිදු වූ බලපෑම තක්සේරු කර, එම පද්ධතිය නැවත යථා තත්ත්වයට පත් කිරීම සඳහා ගත හැකි කෙටිකාලීන හා දිගුකාලීන පියවර පිළිබඳව විශේෂඥ උපදෙස් ලබා ගැනීමට මෙහිදී අපේක්ෂිතය.අවසාන වශයෙන්, මෙම සමස්ත ක්රියාවලිය පිළිබඳව සහ වාර්තාවේ සොයාගැනීම් සම්බන්ධයෙන් මහජනතාව නිසි පරිදි දැනුවත් කරන ලෙස ද නියෝජ්ය අමාත්යවරයා අමාත්යාංශ ලේකම්වරයා වෙත වැඩිදුරටත් දන්වා ඇත. පරිසර සුරක්ෂිතතාවය සහ මහජන සෞඛ්යය තහවුරු කිරීම රජයේ ප්රමුඛතාවය වන බැවින්, මෙම විමර්ශන වාර්තාව කඩිනමින් ලබා දීමට කටයුතු සූදානම් කර තිබේ.
කෙරවලපිටිය ගින්නෙන් පරිසරයට වූ හානිය සෙවීමට නියෝජ්ය ඇමතිගෙන් විශේෂ විමර්ශනයක්!
