ශ්රී ලාංකික ශ්රමිකයන් සඳහා දකුණු කොරියාවේ E-8 වීසා කාණ්ඩය යටතේ රැකියා අවස්ථා ලබාදීමේ වැඩසටහන නිල වශයෙන් යළි ආරම්භ කර තිබේ. පසුගිය කාලසීමාවේදී පවතී ගිවිසුම්ගත ගැටලු හේතුවෙන් මෙම ක්රමවේදය තාවකාලිකව අර්බුදයකට ලක්ව තිබුණද, රජයේ මැදිහත්වීම මත නව ගිවිසුමකට එළඹෙමින් එම බාධක ඉවත් කිරීමට පියවර ගෙන ඇත. ඒ අනුව, මෙම නව වැඩපිළිවෙළ යටතේ තෝරාගත් පළමු ශ්රමික කණ්ඩායම එළඹෙන 14 වැනිදා දකුණු කොරියාව බලා පිටත්ව යාමට නියමිතය.නියෝජ්ය අමාත්ය අරුන් හේමචන්ද්ර මහතා සඳහන් කරන පරිදි, ආරම්භක පියවර ලෙස ශ්රමිකයින් 16 දෙනෙකුගෙන් යුත් කණ්ඩායමක් මෙලෙස විදේශගත වනු ඇත. මීට පෙර පැවති පරිපාලනමය ගැටලු නිරාකරණය කරමින්, වඩාත් විධිමත් සහ සුරක්ෂිත ක්රමවේදයක් හරහා ලාංකිකයින්ට කොරියානු රැකියා වෙළඳපොළ විවෘත කිරීම මෙහි මූලික අරමුණ වී තිබේ. මෙය විදේශ රැකියා අපේක්ෂිත තරුණ තරුණියන්ට හිමිවූ සුවිශේෂී ජයග්රහණයකි.නව රජයේ සෘජු මැදිහත්වීම මත ක්රියාත්මක වන මෙම ව්යාපෘතිය හරහා ඉදිරියේදී තවත් විශාල පිරිසකට E-8 වීසා ක්රමය යටතේ දකුණු කොරියාවේ රැකියා සඳහා යොමු වීමට අවස්ථාව සැලසේ. ක්ෂේත්රයේ පවතින විශ්වාසනීයත්වය තහවුරු කරමින්, විනිවිදභාවයකින් යුතුව ශ්රමිකයන් පිටත් කර හැරීමට බලධාරීන් කටයුතු යොදා ඇත. මෙය ශ්රී ලංකාවේ විදේශ විනිමය ඉපයීමේ මාර්ග ශක්තිමත් කිරීමට ද මහත් පිටුවහලක් වනු ඇතැයි අපේක්ෂා කෙරේ.
කොරියානු E-8 රැකියා සිහිනය යළි ඇරඹේ
