කොළඹ, අලුත්කඩේ උපරිමාධිකරණ සංකීර්ණය නවීකරණ ව්‍යාපෘතිය යටතේ නවීකරණය කළ අභියාචනාධිකරණ කොටස සහ අධිකරණ පියස ව්‍යාපෘතිය යටතේ ඉදි කිරීම් ආරම්භ කළ පළමු උප ව්‍යාපෘතිය වන මහල් ගොඩනැගිල්ල ජනතා අයිතියට පත් කිරීම අග්‍රාමාත්‍ය ආචාර්ය හරිනි අමරසූරිය මැතිණියගේ ප්‍රධානත්වයෙන්, අගවිනිසුරු ජනාධිපති නීතිඥ මූර්දු ප්‍රනාන්දු, අධිකරණ හා ජාතික ඒකාබද්ධතා අමාත්‍ය, නීතිඥ හර්ෂණ නානායක්කාර හා ශ්‍රී ලංකාවේ චීන තානාපති QI Zhenhong යන මහත්ම මහත්මීන්ගේ සහභාගිත්වයෙන් අද පෙරවරුවේ ( 18) සිදු විණි.
අග්‍රාමාත්‍ය ආචාර්ය හරිනි අමරසූරිය, අගවිනිසුරු ජනාධිපති නීතිඥ මූර්දු ප්‍රනාන්දු, අධිකරණ සහ ජාතික ඒකාබද්ධතා අමාත්‍ය, නීතිඥ, හර්ෂණ නානායක්කාර,ශ්‍රී ලංකාවේ චීන තානාපති QI Zhenhong යන මහත්ම මහත්මීන් මෙහිදී අදහස් පල කරන ලදී.
ජාතික ඒකාබද්ධතා නියෝජ්‍ය අමාත්‍ය මොහොමඩ් මුනීර්, ශ්‍රේෂ්ඨාධිකරණ විනිසුරුවරුන්, අභියාචනාධිකරණ විනිසුරුවරුන්, නීතිපති ජනාධිපති නීතිඥ, පාරින්ද රණසිංහ, අධිකරණ සහ ජාතික ඒකාබද්ධතා අමාත්‍යාංශයේ ලේකම්, ජනාධිපති නීතිඥ අයෙෂා ජිනසේන යන මහත්ම මහත්මීන් ඇතුළු ශ්‍රේෂ්ඨාධිකරණ, අභියාචනාධිකරණ හා අධිකරණ අමාත්‍යාංශ නිලධාරීන් මෙම අවස්ථාවට එක්ව සිටියහ.
මීට අදාළ වීඩියෝ දර්ශන මේ සමග යොමු කර ඇත.
මාධ්‍ය අංශය
අධිකරණ සහ ජාතික ඒකාබද්ධතා අමාත්‍යාංශය
