කොළඹ හුණුපිටිය ගංගාරාම විහාරස්ථානයේ වාර්ෂික නවම් මහා පෙරහැර නිමිත්තෙන් ජනවාරි 31 සහ පෙබරවාරි 1 යන දෙදින තුළ සවස් කාලයේ විශේෂ රථවාහන සීමා පැනවීමට සහ විකල්ප මාර්ග හඳුන්වා දීමට ශ්රී ලංකා පොලිසිය පියවර ගෙන ඇත. මධ්යම කොළඹ ප්රදේශයේ දැඩි රථවාහන තදබදයක් ඇතිවිය හැකි බැවින්, පෙරහැර පැවැත්වෙන දෙදින තුළම පස්වරු 6.30 සිට මෙම රථවාහන සැලැස්ම ක්රියාත්මක වන බව පොලිස් මාධ්ය කොට්ඨාසය සඳහන් කරයි.පෙරහැර ගමන් ගන්නා මාර්ගය වන ජිනරතන මාවත, හුණුපිටිය වැව පාර, ඩබ්ලිව්.ඒ.ඩී. රාමනායක මාවත, ශ්රීමත් ජේම්ස් පීරිස් මාවත, ඇල්ටෙයාර් මාවත, ස්ටේපල් වීදිය සහ බේබෲක් පෙදෙස යන මාර්ගවල මෙම රථවාහන සීමා බලපැවැත්වේ. ඒ අනුව, ඩබ්ලිව්.ඒ.ඩී. රාමනායක මාවත-හුණුපිටිය වැව පාර හන්දිය සහ ධර්මපාල මාවත-පාර්ක් වීදිය හන්දිය ඇතුළු ප්රධාන මංසන්ධි කිහිපයක රථවාහන ගමනාගමනය සීමා කෙරෙනු ඇත.ශ්රීමත් ජේම්ස් පීරිස් මාවත භාවිත කරන රියදුරන්ට යුනියන් පෙදෙස, නවම් මාවත, උත්තරානන්ද මාවත හෝ ධර්මපාල මාවත හරහා විකල්ප මාර්ග භාවිත කරන ලෙස පොලිසිය උපදෙස් දෙයි. මෙම රථවාහන හැරවීම් ක්රියාත්මක වන්නේ පෙරහැර ගමන් ගන්නා කාලසීමාව තුළ එම මාර්ගවල පමණක් වන අතර, මහජන පීඩාව අවම කිරීම සඳහා පොලිසිය ලබාදෙන උපදෙස් පිළිපදින ලෙස රියදුරන්ගෙන් ඉල්ලා සිටියි.
ගංගාරාම නවම් මහා පෙරහැර වෙනුවෙන් කොළඹ විශේෂ රථවාහන සැලැස්මක්!
