මේ වන විට පොහොර සහනාධාරයවත් හරියට නොලැබෙන බවත් ගුණාත්මක භාවයෙන් ඉහළ යෙදවුම් නොලැබෙන බවත් ලැබෙන තෙල් පොහොර පවා ප්‍රමිතියෙන් බාල බවත් වගා හානී වන්දිි පවා නොලැබ ඇති බවත් වීවලට සහතික මිල නොමැති බවත් අභියෝග රැසකට ගොවියන් මුහුණ දී සිටියදී ගොවියා පෙරටු කර ගෙන රාජ්‍ය බලය ගත් අය අද ගොවියා අමතක කර ඇති බවත් විපක්ෂ නායකවරයා පැවසීය.
පසුගිය කාලයේ සිදුවු ආපදා වගා හානි නිසා අක්කරයකින් ලැබෙන වී අස්වනු අඩු වී ඇති මෙහොතක ගොවියාට සාධාරණ සහතික මිල නොමැති බවත් රු.120ක සහතික මිල ප්‍රමාණවත් නොවන බවත් වී මිල දී ගන්න රු.මිලියන 5000කි වැනි අඩු මුදලක් වෙන් කර ඇති බවත් මෙසේ බොරු කියු වත්මන් රජයට පිළිතුරු දෙන්න කාලය ඇවිත් ඇති බවත් ගොවියා රැවටු එම රැවටීම තුලින් ගොවියා අනාථ කල මේ රජයට ඉදිරි මැතිවරණයේදී පාඩමක් ඉගැන්විය යුතු බවත් විපක්ෂ නායක සජිත් ප්‍රේමදාස මහතා පැවසීය.
විපක්ෂ නායක සජිත් ප්‍රේමදාස මහතා මේ බව කියා සිටියේ හොරොව්පතානේ පැවැති ජන හමුවක් අමතමිනි.
▪️ රාජ්‍ය සේවක අපේක්ෂා සුන් කරලා
ගොවියා පමණක් නොව රාජ්‍ය සේවකයාද රවටා ඇති බවත් මාස 6න් 6ට වැටුප් රු 20000 ගානේ වැඩි කරනවා කිව්වත් තවමත් වැඩිව නැති බවත් තවමත් රාජය සේවකයන් අයවැය පඩි වැඩිවීම ගණන් කරන බවත් විපක්ෂ නායකවරයා පැවසීය.
▪️ කැලෑ නීතිය රජ වෙලා
එසේම මිනිමරන සංස්කෘතිය රජ වී කැලැ නීතියක් රටේ ක්‍රියාත්මක බවත් අද වන විට අධිකරණනයේ පවා මිනිමරණ බවත් දැඩි ආරක්ෂිත කලාපයේ පවා ඝාතන සිදුව අනාරක්ෂිත වී ඇති බවත් විපක්ෂ නායකවරයා පැවසීය.
▪️ පාර්ලිමේන්තුවේ ජනතා ප්‍රශ්නවලට ඉඩක් නෑ
ජනතාව පීඩාවට පත් කරන බදු ගැන පාර්ලිමේන්තුවේ ප්‍රශ්න කරන විට මයික්‍රෝෆෝන් විසංදි කර ආණ්ඩුවේ 159 එකතු වී අසීමිත බලය හරහා ප්‍රජාතන්ත්‍රවාදය විනාශ කරන බවත් විපක්ෂ නායකවරයා පැවසීය.
▪️ රාජ්‍ය සේවයටත් දේශපාලන පළිගැනීම් ඇවිත්
එසේම අපක්ෂපාතී රාජ්‍ය සේවයක නිරත අවංක නිලධාරීන් පවා මහා පරිමාණ පළිගැනීම ට ලක්ව ඇති බවත් ඔවුන්ට පක්ෂපාතී අය තනතුරුවලට ගෙනවිත් අපක්ෂපාතීව වැඩකරන රාජ්‍ය නිලධාරීන් මාරු කරනවා සේම රතු නිවේදන පවා නිකුත් කර ඇති බවත් විපක්ෂ නායකවරයා පැවසීය.
