ගෝලීය මිල ඉහළ යාමත් සමඟ මෙරට රත්රන් මිල එක් දිනකින් රු. 10,000 කින් වැඩි වෙයි

ගෝලීය වෙළෙඳපොළේ රත්රන් මිල අද (13) දින අවුන්සයක් සඳහා ඇමරිකානු ඩොලර් 4,212 ඉක්මවා යාමත් සමඟ ශ්‍රී ලංකාවේද රත්රන් මිල තියුණු ලෙස ඉහළ යාමක් වාර්තා විය. දේශීය වෙළෙන්දන් ප්‍රකාශ කළේ මෙරට රත්රන් මිල එක් දිනක් තුළ රුපියල් 10,000 කින් පමණ ඉහළ ගොස් ඇති බවයි. ඒ අනුව, කොළඹ පිටකොටුව වෙළෙඳපොළේ කැරට් 22 රත්රන් පවුමක මිල ඊයේ (12) පැවති රුපියල් 301,500 සිට රුපියල් 310,800 දක්වා ඉහළ ගියේය. එලෙසම, කැරට් 24 රත්රන් පවුමක මිල අඟහරුවාදා පැවති රුපියල් 326,000 ට සාපේක්ෂව අද වන විට රුපියල් 336,000 දක්වා වැඩි වී ඇති අතර, එය ගෝලීය වශයෙන් ඇති වූ මිල ඉහළ යාම පිළිබිඹු කරයි.