මෑතකදී ඇතිවූ අයහපත් කාලගුණික තත්ත්වයෙන් පසුව ශ්රී ලංකාවට සිය සහයෝගීතාවය සහ ත්යාගශීලී සහය ලබා දීම සම්බන්ධයෙන් ජනාධිපති අනුර කුමාර දිසානායක මහතා චීන ජනාධිපති ෂී ජින්පිං, රජයට සහ එරට ජනතාවට සිය ගැඹුරු ඇගයීම පළ කර ඇත. ජනාධිපතිවරයා සඳහන් කළේ, චීනය විසින් ඇමෙරිකානු ඩොලර් මිලියනයක් සහ චීන යුවාන් මිලියන 10ක් වටිනා ආපදා සහන සැපයුම් ලබා දී ඇති අතර, එය දෙරට අතර පවතින දිගුකාලීන මිත්රත්වය අවධාරණය කරන බවයි. දුෂ්කර අවස්ථාවන්හිදී චීනය නිරතුරුවම ශ්රී ලංකාවට සහාය වී ඇති බවත්, පීඩාවට පත් ප්රජාවන්ට ශක්තිය සහ ආධාර ලබා දී ඇති බවත් එතුමා පැවසීය. තවද, ‘ශ්රී ලංකාව නැවත ගොඩනැගීමේ’ අරමුදල පිහිටුවීමත් සමඟ, රට මේ වන විට සෙවීම් සහ මුදාගැනීමේ මෙහෙයුම්වල සිට නැවත පදිංචි කිරීමේ සහ යළි ගොඩනැගීමේ අදියර කරා සංක්රමණය වෙමින් පවතින බව ජනාධිපති දිසානායක මහතා අවධාරණය කළේය. යළි ගොඩනැගීමේ අවධියේදීද චීනයේ නිරන්තර සහාය ශ්රී ලංකාව අපේක්ෂා කරන බව එතුමා වැඩිදුරටත් පැවසීය.
චීන සහායට ජනපති අනුර කුමාර දිසානායක ස්තූතිය පළ කරයි
