මහජනතාවට නව ආර්ථික සහන සැලසීමේ අරමුණින් සකස් කරන ලද විශේෂ යෝජනා මාලාවක් ඉදිරිපත් කිරීම සඳහා ජනාධිපති අනුර කුමාර දිසානායක මහතා අද පාර්ලිමේන්තුවට පැමිණීමට නියමිතය. සභානායක බිමල් රත්නායක මහතා තහවුරු කරන පරිදි, ජනාධිපතිවරයා අද මධ්යහ්න 12.00 ට සභාව ඇමතීමට නියමිත අතර එහිදී රටේ වත්මන් ආර්ථික තත්ත්වය හමුවේ ජනතාවට සහන සැලසෙන නව වැඩපිළිවෙළ පිළිබඳ නිල වශයෙන් දැනුම් දෙනු ඇත.මෙම විශේෂ පැමිණීම හරහා රජය අපේක්ෂා කරන මූල්ය ප්රතිසංස්කරණ සහ ජීවන වියදම පාලනය කිරීම සඳහා හඳුන්වා දෙන නව ක්රමවේදයන් පිළිබඳව දීර්ඝ වශයෙන් කරුණු පැහැදිලි කෙරෙනු ඇතැයි අපේක්ෂා කෙරේ. ජනතාව දිගු කලක සිට බලාපොරොත්තුවෙන් සිටින ආර්ථික සහන පිළිබඳව මෙහිදී සෘජු ප්රකාශයක් සිදු කිරීමට නියමිත බැවින්, අද දින පාර්ලිමේන්තු සභාවාරය කෙරෙහි බොහෝ දෙනාගේ දැඩි අවධානයක් යොමුව පවතී.
ජනපතිගෙන් විශේෂ ආර්ථික සහන පැකේජයක්
