සමාජ මාධ්‍යවල සංසරණය වූ වීඩියෝවක දැක්වෙන පරිදි රථවාහන පොලිස් නිලධාරීන්ගේ රාජකාරියට බාධා කරමින් ඔවුන් සමඟ වාද කළ කාන්තාවක් අත්අඩංගුවට ගෙන ඇත.රථවාහන වරදක් සම්බන්ධයෙන් ඇගේ වාහනය නැවැත්වීමට උත්සාහ කළ අවස්ථාවේ, තමන් ජ්‍යෙෂ්ඨ නියෝජ්‍ය පොලිස්පතිවරයෙකුගේ සහෝදරිය බව පවසමින් පොලිස් නිලධාරීන් සමඟ වාද කරන සහ රාජකාරියට බාධා කරන ආකාරය දැක්වෙන වීඩියෝවක් සමාජ මාධ්‍යවල සංසරණය වී තිබූ බව පොලීසිය පවසයි.පොලීසිය පැවසුවේ මෙම සිද්ධිය ඊයේ (පෙරේදා) කොටුගොඩ-උඩුගම්පොළ මාර්ගයේදී සිදුව ඇති බවයි. රථවාහන වරදක් සම්බන්ධයෙන් මෝටර් රථය නවත්වන ලෙස පොලිස් නියෝගවලට අකීකරු වූ මෙම කාන්තාව පසුපස හඹා ගොස් උඩුගම්පොළ ප්‍රදේශයේදී රථය නවතා ඇත. පසුව ඇය පොලිස් නිලධාරීන්ගේ රාජකාරියට බාධා කරමින් ඔවුන් සමඟ වාදයක නිරත වී ඇති බව වෛරස් වූ වීඩියෝවේ දැක්වේ.පොලිස් නියෝගවලට අකීකරු වෙමින් එම කාන්තාව නැවතත් රිය පදවාගෙන ගොස් ඇති අතර, ඇය පොල්වත්තේ හන්දියේදී අත්අඩංගුවට ගෙන ගම්පහ පොලිස් ස්ථානයට භාර දී තිබේ.පොලීසිය සඳහන් කළේ, එම කාන්තාව ප්‍රකාශ කළ පරිදි ජ්‍යෙෂ්ඨ නියෝජ්‍ය පොලිස්පතිවරයා සමඟ ඇයට කිසිදු සම්බන්ධයක් නොමැති බවයි.ඇය අද (සෙනසුරාදා) ගම්පහ මහේස්ත්‍රාත් අධිකරණයට ඉදිරිපත් කිරීමට නියමිතය.
“ජ්‍යෙෂ්ඨ නියෝජ්‍ය පොලිස්පතිගේ නංගී” ලෙස රඟපෑ කාන්තාව අත්අඩංගුවට!
