ගෝලීය වශයෙන් යුදමය වාතාවරණයක් පවතින මෙවැනි සංකීර්ණ මොහොතක, ශ්රී ලංකාව සිය ජාතික අභිලාෂයන් සහ ජාත්යන්තර මානව හිමිකම් වගකීම් සමබරව කළමනාකරණය කරගත යුතු බව විපක්ෂ නායක සජිත් ප්රේමදාස මහතා අවධාරණය කරයි. අද කොළඹ බණ්ඩාරනායක ජාත්යන්තර සම්මන්ත්රණ ශාලාවේ පැවති ජාත්යන්තර සෞඛ්ය ප්රදර්ශනයට (International Healthcare Exhibition) එක්වෙමින් ඒ මහතා පෙන්වා දුන්නේ, ලෝක සාමය වෙනුවෙන් කැපවෙමින් රටේ ස්වෛරීත්වය සුරක්ෂිත කර ගැනීම වත්මන් රාජ්ය තාන්ත්රික උපායමාර්ගය විය යුතු බවයි.නිදහස් සෞඛ්ය සේවය යනු මෙරට ජනතාවගේ මූලික මානව අයිතිවාසිකමක් බවත්, එය වඩාත් ගුණාත්මක හා කාර්යක්ෂම රාජ්ය සුබසාධන අංගයක් ලෙස ශක්තිමත් කළ යුතු බවත් විපක්ෂ නායකවරයා මෙහිදී සඳහන් කළේය. සෞඛ්ය ක්ෂේත්රයේ පවතින මානව සම්පත් ගැටලුවලට කඩිනම් විසඳුම් ලබා දෙමින්, රෝග නිවාරණ හා ප්රතිකාර සේවා නවීන තාක්ෂණයෙන් සන්නද්ධ කිරීම තම වැඩපිළිවෙළේ ප්රමුඛතාවක් වන බව ඔහු වැඩිදුරටත් කියා සිටියේය.විශ්වාසය බිඳවැටීම මත නිර්මාණය වී ඇති ගෝලීය අර්බුද හමුවේ, ලක්ෂ 220ක් වූ ශ්රී ලාංකීය ජනතාවගේ ආරක්ෂාව තහවුරු කිරීම රජයක ප්රධාන වගකීමකි. ජාත්යන්තර නීති රීතිවලට ගරු කරන අතරම, රටට එල්ල වන අභියෝග හමුවේ නොසැලී සිටිය යුතු බවත්, ජාතික ආරක්ෂාව සහ මානව අයිතිවාසිකම් අතර මනා සමබරතාවයක් පවත්වාගෙන යාම තුළින් ශ්රී ලංකාවට ජාත්යන්තර ගෞරවය දිනාගත හැකි බවත් ඔහු පෙන්වා දුන්නේය.බාහිර පාර්ශවයන් විවිධ ඉල්ලීම් ඉදිරිපත් කළද, රටේ ඒකීයභාවය සහ භෞමික අඛණ්ඩතාවයට හානි නොවන පරිදි ස්ථාවර ප්රතිපත්තියක සිට කටයුතු කිරීමේ වැදගත්කම විපක්ෂ නායකවරයා මෙහිදී පැහැදිලි කළේය. මානව හිමිකම් ප්රඥප්තීන් පිළිබඳ මනා අවබෝධයකින් යුතුව රාජ්ය තාන්ත්රික ක්රමෝපායන් දියත් කිරීම හරහා ජාතික අරමුණු ජයගත හැකි බව ඔහු ප්රකාශ කළේය.සත්ය යථාර්ථය, දැනුම සහ කාර්යක්ෂමතාව පදනම් කරගත් විද්යාත්මක රාජ්ය ප්රතිපත්තියක් මගින් ඕනෑම අර්බුදයකට සාර්ථකව මුහුණ දිය හැකි බව සජිත් ප්රේමදාස මහතා වැඩිදුරටත් අවධාරණය කළේය. මෙරට මාතෘභූමියේ අයිතිවාසිකම් ආරක්ෂා කරමින් ජාත්යන්තරය සමග සහයෝගයෙන් කටයුතු කිරීම අනාගත සංවර්ධනයට මග පාදනු ඇතැයිද ඔහු පැවසීය.
ජාතික ආරක්ෂාවත් මානව හිමිකමුත් සමබරව රකිමින් ලෝක සාමයට දායක විය යුතුයි – විපක්ෂ නායක සජිත් ප්රේමදාස
