ඇයට තිබුණේ සැබවින්ම සඳක් වගේ ලස්සන රුවක්. ඒ සුරූපී බව නිසාම අද බොහෝ දෙනෙක් අතර ඇය මතකයක් ලෙස ඉතුරු වෙලා. මේ සිද්ධිය ගැන බොහෝ දෙනා එක එක විදිහට කතාකරනවා දැකගන්න පුළුවන්.
ඒත් ඇත්තටම සුරූපී ඇයගේ ජීවිත කතාව මේ විදිහට අවසන් වෙන්න හේතුව මොකක් වෙන්න ඇතිද? සමාජමාධ්‍යවල අද වෙනකොට මේ වීඩියෝව නොදැකපු කෙනෙක් නැතුව ඇති.
ඒත් මේ කතාව ගැන හරිහැටි නොදන්නා කී දෙනෙක් නම් ඇයට එක එක දේවල් සමාජමාධ්‍ය පිටු අතර පළ කරන්න වෙහෙසෙනවා ඇතිද? වලස්මුල්ල – දයාරත්න පාර ප්‍රදේශයේ පදිංචි 24 හැවිරිදි තරුණියක් ගෙළ වැළලාගෙන. ඒ සිද්ධිය ගැන මුලින්ම අහන්න ලැබුණේ අන්න එහෙමයි.
ඒ නිසා අපි කාට හෝ පිටින් මේ සිද්ධිය ගැන දිර්ඝව කතා කරන්න බැහැ. නමුත් ඇය මේ වගේ තීරණයටකට යන්න කලින් ඇයව වලක්වා ගන්න ඒ වටා හිටිය පිරිසට පුළුවන් වුණා නම්, අපි හැම කෙනෙක්ම සිතිය යුත්තේ අන්න ඒ ගැනයි.
තවත් අපේ සමාජයේ සැඟවුණු ඉමාෂිලා ඇති. ඔවුන් ගැන අවදානයෙන් ඉන්න පුළුවන් ළඟම සිටින අයට පමණයි. කතාවෙන් නැවත නැවතත් සිහිපත් කළ යුත්තේ එපමණයි. ප්‍රශ්න නොපෙන්වා හිනාවෙන මිනිසුන්ගේ හිත්වලට එබෙන්න කාට හරි පුළුවන් වුණා නම්, ඒ විශ්වාසය ඇති වන තැන් අපේ සමාජය තුළ පැවතුනා නම් අද මේ කතාව මෙහෙම අවසන් වෙන එකක් නැහැ.
ඉතින් ඇගේ මේ සමුගැනීම බොහෝ දෙනෙක්ට නැවත නැවතත් යමක් මතක් කරනවා. ඒ ඔබේ ආදරණියන් ගැන හොඳ සැලකිල්ලෙන් පසුවෙන්න කියන එක.
