ගාල්ලේ ගින්තොට මෝය අසල පිහිනමින් සිටියදී තරුණයෙකු අද (29) පස්වරුවේ දියේ ගිලී මිය ගොස් තිබෙනවා.
මියගිය පුද්ගලයා ගින්තොට කුරුඳුවත්ත ප්‍රදේශයේ පදිංචි 22 හැවිරිදි තරුණයෙකි.
මියගිය පුද්ගලයා ගින් ගඟේ මෝය අසල පිහිනමින් සිට ඇති අතර අතුරුදහන් වී ඇත. පසුව ප්‍රදේශවාසීන්, නාවික හමුදා කිමිදුම්කරුවන් සහ පොලිසිය එක්ව තරුණයා සොයා ඒකාබද්ධ සෝදිසි මෙහෙයුමක් දියත් කළහ.
කිමිදුම්කරුවන් තරුණයාගේ මළ සිරුර එහි තිබී සොයා ගත් අතර, ඔහු වෙරළට ගෙන ඒමෙන් පසු මරණ පරීක්ෂණය සඳහා ගාල්ල ජාතික රෝහලේ මෘත ශරීරාගාරයට ගෙන යන ලදී.
