දකුණු ආසියානු ජ්‍යෙෂ්ඨ මලල ක්‍රීඩා ශූරතාවලියේ (2025 – රාංචි, ඉන්දියාව) කැපී පෙනෙන දස්කම් දැක්වූ ශ්‍රී ලංකා යුද හමුදා ක්‍රීඩකයන් 18 දෙනෙකු ඔවුන්ගේ වර්තමාන තනතුරුවලට අදාළ ස්ථිර නිලයන්ට උසස් කර තිබේ.මෙම උසස් කිරීමේ උත්සවය අද දින යුද හමුදා මූලස්ථානයේදී පැවැති අතර, එහිදී යුද හමුදාපති ලුතිනන් ජෙනරාල් ලසන්ත රොඩ්රිගෝ මහතා ඔවුන්ගේ ජයග්‍රහණ අගය කළේය.මෙම ශූරතාවලිය සඳහා යුද හමුදා ක්‍රීඩකයන් 30 දෙනෙකු ඇතුළුව ශ්‍රී ලංකා ක්‍රීඩකයන් 59 දෙනෙකු තරඟ වැදුණු අතර, ඔවුන්ගේ දායකත්වය හේතුවෙන් ශ්‍රී ලංකාව රන් පදක්කම් 12ක්, රිදී පදක්කම් 8ක් සහ ලෝකඩ පදක්කම් 7ක් දිනා ගැනීමට සමත් විය. මුළු පදක්කම් සංඛ්‍යාව 27 කි.යුද හමුදාපතිවරයා ක්‍රීඩකයන්ගේ කැපවීම අගය කරමින් සහ ඉදිරි තරඟ සඳහා දිරි දෙමින් මුදල් ත්‍යාග පිරිනැමීමද මෙහිදී සිදු විය.
දකුණු ආසියානු ක්‍රීඩකයන් 18කට උසස්වීම්!
