සුළි සුළඟින් පීඩාවට පත් ජනතාවට සහන සැලසීම අභ්යන්තර ආරවුල් හේතුවෙන් බාධාවට පත් නොවිය යුතු බව විපක්ෂ නායක සජිත් ප්රේමදාස මහතා පවසයි. ‘X’ පණිවිඩයක් නිකුත් කරමින් ඔහු රජයෙන් ඉල්ලා සිටියේ, සම්බන්ධීකරණයට ප්රමුඛතාව ලබා දී තවමත් ආධාර බලාපොරොත්තුවෙන් සිටින පවුල් වෙත අඛණ්ඩව සහාය ලබාදීම සහතික කරන ලෙසයි. සහන සේවා නිලධාරීන් සහ රජය අතර පවතින ව්යාකූල තත්ත්වය හමුවේ ජනතාව තවදුරටත් අසරණ නොකළ යුතු බව ඔහු අවධාරණය කළේය.ආපදා සහන සේවාවල නිරත රාජ්ය නිලධාරීන් නියෝජනය කරන වෘත්තීය සමිති කිහිපයක් අද (පෙබරවාරි 27) සිට සහන සේවා කටයුතුවලින් ඉවත් වීමට තීරණය කිරීමත් සමඟ විපක්ෂ නායකවරයා මෙම අදහස් පළ කළේය. සුළි සුළඟින් විපතට පත්ව දින 93ක් ගත වී ඇතත්, දිවා රාත්රී සේවයේ යෙදුණු සහන සේවා නිලධාරීන්ගේ සහ ග්රාම නිලධාරීන්ගේ නොවිසඳුණු ගැටලු සම්බන්ධයෙන් රජය නිසි අවධානයක් යොමු කර නොමැති බව එම වෘත්තීය සමිති පෙන්වා දෙයි.මේ අතර, ජනාධිපති ලේකම් නන්දික සනත් කුමාරනායක මහතා ද ඊයේ ප්රකාශ කළේ විපතට පත් ජනතාව වෙනුවෙන් ක්රියාත්මක සහන සේවා කටයුතු කඩිනම් කළ යුතු බවයි. ජාතික ආපදා කළමනාකරණ සභාවේ (NCDM) ප්රගති සමාලෝචන රැස්වීමේ මුලසුන දරමින් ඔහු පෙන්වා දුන්නේ, රාජ්ය ආයතන අතර පවතින ශක්තිමත් සම්බන්ධීකරණය කාලීන ආධාර සැපයීම සඳහා අතිශය වැදගත් වන බවයි.
දිට්වා සුළි සුළඟින් පීඩාවට පත්වූවන්ට සහන දීම පමා නොකරනු: විපක්ෂ නායකගෙන් රජයට බලපෑම්!
