ඉන්දියාවේ නව දිල්ලි අගනුවර සහ ඒ අවට කලාපයේ වායු ගෝලයේ ගුණාත්මක භාවය යළිත් වරක් බරපතල ලෙස පහත වැටී ඇති අතර, අද (ඉරිදා) උදෑසන වන විට වායු තත්ත්ව දර්ශකය (AQI) 391 සීමාව දක්වා ඉහළ ගොස් තිබේ. මධ්යම දූෂණ පාලන මණ්ඩලයට අනුව, දිල්ලියේ ස්ථාපිත කර ඇති වායු තත්ත්ව නිරීක්ෂණ මධ්යස්ථාන 40න් 20කම වායු දූෂණය ‘අතිශය දරුණු’ (Severe) කාණ්ඩයට වාර්තා වී ඇත. විශේෂයෙන්ම ආනන්ද් විහාර් සහ ෂාදිපූර් වැනි ප්රදේශවල මෙම දර්ශකය 440 සීමාව ඉක්මවා ගොස් ඇති අතර, මුළු නගරයම පාහේ ඝන දුමාරයකින් වැසී පවතී.වායු දූෂණය ඉහළ යාම හේතුවෙන් ප්රදේශයේ දෘශ්යතාව ද සැලකිය යුතු ලෙස අඩුවී ඇති බව ඉන්දීය කාලගුණ විද්යා දෙපාර්තමේන්තුව පවසයි. ප්රදේශයේ සුළඟේ වේගය අඩුවීම හේතුවෙන් වායුගෝලයේ ඇති අපද්රව්ය සහ දූවිලි අංශු ඉවත් නොවී එකතැන රැඳී පැවතීම මෙම තත්ත්වයට ප්රධාන හේතුව වී ඇත. වායු තත්ත්ව දර්ශකයේ අගය 401 ඉක්මවා යාම සෞඛ්යයට අතිශය අහිතකර ‘දරුණු’ තත්ත්වයක් ලෙස සැලකෙන අතර, මේ වන විට දිල්ලියේ බොහෝ ප්රදේශ එම අවදානම් මට්ටමේ පවතී.
දිල්ලියේ වායු දූෂණය යළිත් අන්තරායකර මට්ටමකට: නගරයම මීදුමෙන් වැසී යයි!
