නැගෙනහිර, ඌව සහ මධ්යම පළාත්වලත්, පොළොන්නරුව සහ හම්බන්තොට දිස්ත්රික්කවලත් විටින් විට වැසි ඇති විය හැක. සබරගමුව පළාතේ මෙන්ම ගාල්ල, මාතර සහ කළුතර දිස්ත්රික්කවල සවස් කාලයේදී (පස්වරු 2.00 න් පසු) ස්ථාන කිහිපයක වැසි හෝ ගිගුරුම් සහිත වැසි ඇති වීමේ හැකියාවක් පවතී. මධ්යම කඳුකරයේ නැගෙනහිර බෑවුම් ප්රදේශවලත්, උතුරු, නැගෙනහිර, උතුරු-මැද සහ වයඹ පළාත්වලත්, හම්බන්තොට සහ මොනරාගල දිස්ත්රික්කවලත් විටින් විට පැයට කිලෝමීටර් 40ක පමණ තරමක තද සුළං බලාපොරොත්තු විය හැක. මීට අමතරව, බස්නාහිර, සබරගමුව සහ මධ්යම පළාත්වලත්, ගාල්ල සහ මාතර දිස්ත්රික්කවලත් උදෑසන කාලයේදී මීදුම් සහිත තත්ත්වයක් පැවතිය හැකියි. එබැවින් ගිගුරුම් සහිත වැසි සමඟ ඇති විය හැකි තාවකාලික තද සුළං සහ අකුණු මඟින් සිදුවන අනතුරු අවම කර ගැනීමට අවශ්ය පියවර ගන්නා ලෙස මහජනතාවගෙන් කාරුණිකව ඉල්ලා සිටිනු ලැබේ.
දිවයිනේ ප්රදේශ කිහිපයකට වැසි සහ තද සුළං!
