අද පස්වරු 2.00 න් පසුව දිවයිනේ පළාත් සහ දිස්ත්රික්ක කිහිපයකට වැසි සහිත කාලගුණ තත්ත්වයක් අපේක්ෂා කරන බව කාලගුණ විද්යා දෙපාර්තමේන්තුව නිවේදනය කරයි. විශේෂයෙන් බස්නාහිර, සබරගමුව, මධ්යම, දකුණු, වයඹ සහ ඌව යන පළාත්වලටත්, අම්පාර, මඩකලපුව සහ අනුරාධපුර යන දිස්ත්රික්කවලටත් තැනින් තැන වැසි හෝ ගිගුරුම් සහිත වැසි ඇති විය හැක. සෙසු ප්රදේශවල ප්රධාන වශයෙන් වියළි කාලගුණයක් පැවතියද, මධ්යම, සබරගමුව, ඌව පළාත් සහ ගාල්ල, මාතර දිස්ත්රික්කවල උදෑසන කාලයේදී මීදුම් සහිත තත්ත්වයක් බලාපොරොත්තු විය හැකියි.පවතින තත්ත්වය අනුව බස්නාහිර සහ සබරගමුව පළාත්වලත්, මහනුවර, නුවරඑළිය, ගාල්ල සහ මාතර දිස්ත්රික්කවලත් ඇතැම් ස්ථානවලට මි.මී. 50 ඉක්මවූ තද වැසි ඇද හැලීමේ හැකියාවක් පවතී. මෙම වැසි සහිත කාලගුණයත් සමඟ ප්රබල අකුණු අනතුරු ඇතිවීමේ අවදානමක් පවතින බැවින්, ඒ පිළිබඳව දැඩි අවධානය යොමු කිරීම වැදගත් වේ.ගිගුරුම් සහිත වැසි ඇති වන අවස්ථාවලදී තාවකාලිකව තද සුළං ද ඇති විය හැකි බැවින්, අකුණු මඟින් සහ සුළඟින් සිදුවන අනතුරු අවම කර ගැනීමට අවශ්ය පූර්ව ආරක්ෂිත පියවර ගන්නා ලෙස කාලගුණ විද්යා දෙපාර්තමේන්තුව මහජනතාවගෙන් කාරුණිකව ඉල්ලා සිටී. එළිමහන් ස්ථානවල රැඳී සිටීමේදී සහ විදුලි උපකරණ භාවිතයේදී වඩාත් සැලකිලිමත් වීම මෙහිදී අත්යවශ්ය වේ.
දිවයිනේ ප්රදේශ රැසකට අද සවස් කාලයේ ගිගුරුම් සහිත වැසි
