නීතිඥ සංගමයේ නායකත්වය යළිත් රජීව් අමරසූරියට: ලේකම් ධුරයට නලින් චන්දික නිතරගයෙන් තේරී පත්වෙයි

2026/2027 වර්ෂය සඳහා ශ්‍රී ලංකා නීතිඥ සංගමයේ (BASL) සභාපතිවරයා ලෙස නීතිඥ රජීව් අමරසූරිය මහතා නිතරගයෙන් යළිත් තේරී පත්වී ඇත. ඒ අනුව, 2026 මාර්තු 28 වන දින පැවැත්වීමට නියමිත ශ්‍රී ලංකා නීතිඥ සංගමයේ 52 වන වාර්ෂික සම්මුතිවාරයේදී ඔහු නිල වශයෙන් සිය ධුරයේ වැඩකටයුතු ආරම්භ කිරීමට නියමිතය.​මේ අතර, නීතිඥ සංගමයේ හිටපු භාණ්ඩාගාරිකවරයෙකු වන නීතිඥ නලින් චන්දික ද සිල්වා මහතා 2026/2027 වාරය සඳහා නව ලේකම්වරයා ලෙස නිතරගයෙන් තේරී පත්වී තිබේ. දැනට ලේකම් ධුරය හොබවන නීතිඥ චතුර ගල්හේන මහතාගේ දෙවසරක නිල කාලය එළඹෙන සම්මුතිවාරයේදී අවසන් වීමෙන් පසු ඔහු එම ධුරයේ වගකීම් භාරගනු ඇත. මෙම නිලවරණ ප්‍රතිඵල ස්ථිර කරමින් සහ තේරීම් භාර නිලධාරියා ලෙස කටයුතු කළ සොලිසිටර් ජනරාල් විරාජ් දයාරත්න මහතා (PC) විසින් මෙම නිල ප්‍රකාශය සිදු කරන ලදී.