ඔක්තෝබර් 27 සිට නොවැම්බර් 10 දක්වා කාලය තුළ ශ්‍රී ලංකාව පුරා ස්ථාන කිහිපයක නීතිවිරෝධී ධීවර කටයුතුවල නිරත වූ පුද්ගලයන් 50 දෙනෙකු අත්අඩංගුවට ගෙන ඇත. ශ්‍රී ලංකා නාවික හමුදාවට අනුව, මෙම කාලය තුළ සිදු කළ වෙනම මෙහෙයුම්වලදී ඩිංගි යාත්‍රා 13ක්, සාම්ප්‍රදායික යාත්‍රා 01ක් සහ යතුරුපැදියක් ද අත්අඩංගුවට ගෙන තිබේ. ත්‍රිකුණාමලයේ ඉරක්කන්ඩි, ලංකාපටුන, කොකිලායි, බෝල්ඩර් පොයින්ට්, වාකරේ, ජය නගර්, කින්නියා සහ ජින්නා පුරම්, මීගමුව, ගාල්ල, බළපිටිය, අම්බලන්ගොඩ, අම්පාරේ අඩ්ඩාලච්චේන සහ මන්නාරමේ පල්ලේමුනේ යන වෙරළබඩ ප්‍රදේශවලදී නැගෙනහිර, බස්නාහිර, දක්ෂිණ, අග්නිදිග සහ උතුරු මැද නාවික විධානයන් විසින් මෙම මෙහෙයුම් සිදු කර ඇත. මෙම පුද්ගලයින් නීතිවිරෝධී දැල් භාවිතයෙන් මසුන් ඇල්ලීම, පුපුරණ ද්‍රව්‍ය භාවිතය සහ නීතිවිරෝධී ධීවර ක්‍රම භාවිත කිරීම සම්බන්ධයෙන් අත්අඩංගුවට ගෙන තිබේ. නීතිමය කටයුතු සඳහා සැකකරුවන් ත්‍රිකුණාමලය, මීගමුව, එච්චලම්පත්තුව, මුලතිව්, කුච්චවේලි, මඩකලපුව නැගෙනහිර, ගාල්ල, කින්නියා, කල්මුණේ සහ මන්මුනෙයි යන ප්‍රදේශවල ධීවර පරීක්ෂකවරුන් වෙත භාර දී ඇත.
නීතිවිරෝධී ධීවර කටයුතු: සැකකරුවන් 50ක් නාවික හමුදා භාරයට!
