අද පස්වරු 2.00 න් පසුව දිවයිනේ පළාත් කිහිපයකට ගිගුරුම් සහිත වැසි සමග ප්රබල අකුණු ඇතිවීමේ වැඩි ප්රවණතාවක් පවතින බව කාලගුණවිද්යා දෙපාර්තමේන්තුව අනතුරු අඟවයි. විශේෂයෙන්ම මධ්යම, සබරගමුව, ඌව, දකුණ සහ උතුරු-මැද යන පළාත්වලටත්, අම්පාර දිස්ත්රික්කයේ ඇතැම් ස්ථානවලටත් මෙම තත්ත්වය බලපෑ හැකි බව එම දෙපාර්තමේන්තුව සඳහන් කරයි. වැසි ඇති වන අවස්ථාවලදී එම ප්රදේශවල තාවකාලිකව තද සුළං තත්ත්වයක් ද ඇති විය හැකි බැවින් අවදානයෙන් පසුවීම අත්යවශ්ය වේ.අකුණු මඟින් සිදුවිය හැකි අනතුරු සහ දේපළ හානි අවම කර ගැනීම සඳහා අවශ්ය පූර්ව ආරක්ෂිත පියවර අනුගමනය කරන ලෙස කාලගුණ බලධාරීන් මහජනතාවගෙන් කාරුණිකව ඉල්ලා සිටියි. එළිමහන් ස්ථානවල රැඳී සිටීමෙන් වැළකීම සහ විදුලි උපකරණ භාවිතයේදී වඩාත් සැලකිලිමත් වීම මගින් සිදුවිය හැකි ආපදා වළක්වා ගත හැකිය. පවතින අස්ථාවර කාලගුණික තත්ත්වය හමුවේ ආරක්ෂාව පිළිබඳව දැඩිව විමසිලිමත් වන ලෙස වැඩිදුරටත් දැනුම් දෙනු ලැබේ.
ප්රදේශ කිහිපයකට ප්රබල අකුණු අවදානමක්
