බංග්ලාදේශයේ ඇඟලුම් කම්හල් සේවකයෙකු වූ 27 හැවිරිදි හින්දු තරුණයෙකු අමානුෂික ලෙස ඝාතනය කිරීමේ පුවතක් විදෙස් මාධ්ය වාර්තා කරයි. ඉස්ලාම් ආගමට අපහාස කළ බවට එල්ල වූ චෝදනාවක් මත කුපිත වූ පිරිසක්, මෙම තරුණයාට අමානුෂික ලෙස පහර දී පසුව ඔහුගේ සිරුර ගිනි තබා තිබේ. මෙම සිද්ධියත් සමඟ එරට තුළ දැඩි ආගමික නොසන්සුන්තාවක් හටගෙන ඇත.මෙම කෲර ක්රියාව සම්බන්ධයෙන් විමර්ශන ආරම්භ කළ බංග්ලාදේශ ආරක්ෂක අංශ, ඊට සෘජුවම සම්බන්ධ බවට සැකකෙරෙන පුද්ගලයන් හත්දෙනෙකු මේ වන විට අත්අඩංගුවට ගෙන තිබේ. අත්අඩංගුවට පත් පිරිස වයස අවුරුදු 19ත් 46ත් අතර පසුවන්නන් බවත්, සිද්ධියට සම්බන්ධ සෙසු පිරිස් හඳුනා ගැනීමට තවදුරටත් මෙහෙයුම් ක්රියාත්මක බවත් එරට පොලිසිය සඳහන් කරයි.බංග්ලාදේශ රජය ද මෙම සිද්ධිය දැඩි ලෙස හෙළා දකිමින් ප්රකාශ කළේ, මෙවැනි අන්තවාදී හා ප්රචණ්ඩකාරී ක්රියාවන්ට රජය කිසිසේත්ම ඉඩ ලබා නොදෙන බවයි. රටේ නීතිය හා සාමය ආරක්ෂා කිරීමට උපරිම පියවර ගන්නා බව අවධාරණය කළ රජය, වැරදිකරුවන්ට දැඩි දඬුවම් පමුණුවන බවට ද සහතික වී තිබේ.මේ අතර, බංග්ලාදේශ ආගමික කවුන්සිලය ද නිවේදනයක් නිකුත් කරමින් කියා සිටියේ, මෙම සිදුවීම එරට පවතින වාර්ගික සහජීවනයට එල්ල වූ බරපතල තර්ජනයක් බවයි. ආගමික සංහිඳියාව බිඳ වැටීමට ඉඩ නොතබා සියලු දෙනා ඉවසීමෙන් කටයුතු කළ යුතු බවත්, මෙවැනි ම්ලේච්ඡ ක්රියාවන් හෙළා දකින බවත් ඔවුන් වැඩිදුරටත් පෙන්වා දී ඇත.
බංග්ලාදේශයේ හින්දු තරුණයා ඝාතනය කළ 07ක් දැලේ
