බටහිර ලන්ඩනයේදී 15 හැවිරිදි දැරියක් පැහැරගෙන ගොස් ලිංගික අතවර කිරීම ඇතුළු බහුවිධ චෝදනා ශ්රී ලංකාවේ සිට පැමිණ එක්සත් රාජධානියේ රජයේ අරමුදල් ලබන සරණාගත හෝටලයක නවාතැන් ගෙන සිටි සංක්රමණිකයෙකු විසින් ප්රතික්ෂේප කර තිබේ. චෝදනා ලැබූ යෂින් හිමසර (20) නම් මෙම පුද්ගලයා HMP Wormwood Scrubs වෙතින් වීඩියෝ සබැඳියක් ඔස්සේ Isleworth Crown අධිකරණය හමුවට පෙනී සිටියේය. එහිදී සිංහල පරිවර්තකයෙකුගේ සහාය ඇතිව ඔහු සිය අනන්යතාව තහවුරු කරමින් චෝදනාවලට පිළිතුරු ලබා දුන්නේය. පැහැරගැනීම, ස්ත්රී දූෂණය,පහරදීම, දරුවෙකු සමඟ ලිංගික ක්රියාකාරකම් සහ හිතාමතා ගෙල සිර කිරීමේ චෝදනා දෙකක් ඇතුළු චෝදනා හතක් සඳහා හිමසර මහතා තමන් වැරදිකරු නොවන බවට ප්රකාශ කළේය. මෙම සිදුවීම නොවැම්බර් 1 වන දින බටහිර ලන්ඩනයේ ෆෙල්තම් (Feltham) හිදී සිදුවන්නට ඇතැයි නඩු පවරන්නන් චෝදනා කරන අතර, එම අවස්ථාවේදී හිමසර මහතා සරණාගතයින් සඳහා රජය විසින් භාවිතා කරන ලද තරු තුනේ St Giles හෝටලයේ නවාතැන් ගෙන සිටි බව වාර්තා වේ. ආරක්ෂක නීතිඥ බොසී ෂෙෆි (Bozzie Sheffi) අධිකරණයට පැවසුවේ, චූදිතයාට සීමිත ඉංග්රීසි දැනුමක් ඇති බැවින් නඩු විභාගය පුරාවටම පරිවර්තකයෙකුගේ සහාය අවශ්ය වනු ඇති බවයි.
බ්රිතාන්යයේ සරණාගත හෝටලයක සිටි ශ්රී ලාංකිකයෙක්ට ලිංගික අපයෝජන චෝදනා
