රටපුරා ක්රියාත්මක වන ‘රටම එකට‘ මත්ද්රව්ය විරෝධී විශේෂ මෙහෙයුම යටතේ ගතවූ පැය 24 තුළ පුද්ගලයන් 846 දෙනෙකු අත්අඩංගුවට ගැනීමට පොලිසිය සමත්ව තිබේ. හෙරොයින්, අයිස් සහ කොකේන් වැනි භයානක මත්ද්රව්ය ළඟ තබාගෙන සිටි පිරිසක් මෙලෙස නීතියේ රැහැනට හසුකරගත් බව පොලිස් මාධ්ය කොට්ඨාසය තහවුරු කරයි. මත්ද්රව්ය ජාලයන් මූලිනුපුටා දැමීමේ අරමුණින් මෙම වැටලීම් දිවයින පුරා දැඩිව ක්රියාත්මක වේ.අත්අඩංගුවට ගත් පිරිස අතරින් මත්ද්රව්ය ජාවාරම්වලට සෘජුවම සම්බන්ධ බවට සැකකෙරෙන පුද්ගලයන් 10 දෙනෙකු සම්බන්ධයෙන් දීර්ඝ ලෙස ප්රශ්න කිරීම සඳහා රැඳවුම් නියෝග ලබාගෙන ඇත. ඔවුන් හරහා මත්ද්රව්ය බෙදාහරින ප්රධාන ජාලයන් පිළිබඳ තොරතුරු අනාවරණය කර ගැනීමට විමර්ශන නිලධාරීන් අපේක්ෂා කරයි. සැකකරුවන් අධිකරණයට ඉදිරිපත් කිරීමෙන් අනතුරුව ඉදිරි නීතිමය පියවර ගැනීමට නියමිතය.මෙම මෙහෙයුමේ තවත් වැදගත් අංගයක් ලෙස, මත්ද්රව්යවලට දැඩි ලෙස ඇබ්බැහි වී සිටි පුද්ගලයන් 16 දෙනෙකු හඳුනාගෙන ඔවුන් පුනරුත්ථාපන ක්රියාවලිය සඳහා යොමු කිරීමට පියවර ගෙන තිබේ. දණ්ඩනයට පමණක් සීමා නොවී, ඇබ්බැහි වූවන් යහමගට ගනිමින් මත්ද්රව්ය උවදුර රටින් තුරන් කිරීමේ මානුෂීය ප්රවේශයක් ද මෙම වැඩපිළිවෙළ හරහා ක්රියාත්මක වන බව පොලිසිය වැඩිදුරටත් සඳහන් කළේය.
මත්කුඩු මර්දනය තීව්ර වෙයි: දිනකදී සැකකරුවන් 846ක් දැලේ
