මැදපෙරදිග කලාපයේ පවතින ගැටුම්කාරී තත්ත්වය හේතුවෙන් ශ්රී ලංකාවේ සිට විදේශ රටවලට යවන ජාත්යන්තර පාර්සල් බෙදා හැරීමේ කටයුතුවලට දැඩි බාධා එල්ල වී ඇති බව තැපැල්පති රුවන් සත්කුමාර මහතා ඊයේ (03) ප්රකාශ කළේය. මැදපෙරදිග ගමනාන්ත වෙත පියාසර කරන ගුවන් වාර රැසක් අවලංගු වීම ජාත්යන්තර තැපැල් සේවාවන්ට සෘජුවම බලපා ඇති අතර, එමගින් ඇතැම් රටවලට භාණ්ඩ යැවීමේදී ප්රමාදයන් සහ බාධා මතුව ඇති බව ඔහු පෙන්වා දුන්නේය. විශේෂයෙන්ම පසුගිය සිකුරාදා භාරගත් තැපැල් තොග කිහිපයක් පවා ගුවන් ගමන් අවලංගු වීම සහ කලාපීය මෙහෙයුම් සීමාවන් නිසා මෙතෙක් පිටත් කර හැරීමට නොහැකි වී තිබේ. මේ පිළිබඳව මහජනතාව දැනුවත් කර ඇති බවත්, බලපෑමට ලක්වූ රටවල තැපැල් පරිපාලන අංශ සමඟ අඛණ්ඩව සම්බන්ධීකරණ කටයුතු සිදුකරන බවත් තැපැල්පතිවරයා වැඩිදුරටත් පැවසීය. තත්ත්වය සමනය වූ පසු සේවාවන් යථා තත්ත්වයට පත් වනු ඇතැයි ඔහු බලාපොරොත්තු පළ කළ ද, කල් ඉකුත් වන හෝ කඩිනමින් අවශ්ය වන භාණ්ඩ දීර්ඝ ප්රමාදයන් හමුවේ අවදානමට ලක්විය හැකි බවට ද ඔහු අනතුරු ඇඟවීය.
මැදපෙරදිග අර්බුදය නිසා මෙරට ජාත්යන්තර තැපැල් සේවාවන්ට බාධා!
