විදේශගතව සිට පැමිණෙන සංචාරකයන් අතර මැලේරියා රෝගීන්ගේ වැඩිවීමක් සමඟ, ශ්‍රී ලංකාවේ මැලේරියා රෝගය යළි ඇතිවීමේ (resurgence) අවදානමක් පවතින බව සෞඛ්‍ය බලධාරීන් අනතුරු අඟවා තිබේ.මැලේරියා මර්දන ව්‍යාපාරය (Anti-Malaria Campaign) තහවුරු කළේ, මේ වසරේ පුද්ගලයන් 27 දෙනෙකුට මැලේරියා රෝගය වැළඳී ඇති බවත්, ඔවුන්ගෙන් බහුතරයක් විදේශයන්හිදී ආසාදනය වූ ශ්‍රී ලාංකිකයන් බවත්ය.ආනයනික රෝගීන් වැඩිවීම වැළැක්වීමේ පියවර දැඩිව අනුගමනය නොකළහොත් දේශීයව ව්‍යාප්ත වීමට ඉඩ ඇති බවට නිලධාරීන් අනතුරු ඇඟවීය.”මැලේරියාව වැළඳී නැවත පැමිණෙන සංචාරකයන් වැඩිවීමක් අපට දක්නට ලැබෙනවා. මෙය රට තුළට නැවතත් රෝගය හඳුන්වාදීමේ බරපතල තර්ජනයක්,” යනුවෙන් එම ව්‍යාපාරය සඳහන් කළේය.මෙම තත්වය අනුව, නැවත මෙරටට පැමිණෙන සියලුම දෙනා පැමිණි විගස මැලේරියා පරීක්ෂණ සිදුකරන ලෙසට දැඩිව දැනුම් දී ඇත.ශ්‍රී ලංකාවට 2016 දී ලෝක සෞඛ්‍ය සංවිධානය (WHO) විසින් මැලේරියාවෙන් තොර රටක් ලෙස සහතික කරන ලද අතර, අවසන් දේශීය මැලේරියා රෝගීන් වාර්තා වූයේ 2012 වසරේදීය.මේ අතර, වෛද්‍ය පර්යේෂණ ආයතනය (Medical Research Institute – MRI) දැනට ඩෙංගු වෛරස් ප්‍රභේද හතරම (all four dengue virus strains) ශ්‍රී ලංකාව තුළ සංසරණය වන බව වාර්තා කර ඇතැයි, ප්‍රජා වෛද්‍ය විශේෂඥ වෛද්‍ය ප්‍රේෂිලා සමරවීර මහත්මිය පැවසුවාය.පරීක්ෂා කරන ලද සාම්පලවලින් සියයට 40ත් 50ත් අතර ප්‍රමාණයක් ධනාත්මක ප්‍රතිඵල පෙන්වන බවද ඇය සඳහන් කළාය.ප්‍රධාන ඩෙංගු ප්‍රභේද දෙකක් මේ වන විට ප්‍රමුඛ වී ඇති බවට සෞඛ්‍ය විශේෂඥවරිය අනතුරු අඟවන අතර, මදුරු අභිජනන ස්ථාන ඉවත් කිරීම සඳහා ප්‍රජා සහයෝගීතාවයේ වැදගත්කම අවධාරණය කළාය.”මෙය රජයේ වගකීමක් පමණක් නෙවෙයි. මදුරුවන්ගෙන් බෝවන රෝග වැළැක්වීම සඳහා සෑම කෙනෙකුම පියවර ගත යුතුයි,” යනුවෙන්ද ඇය අවධාරණය කළාය.
මැලේරියාව යළි හිස ඔසවයිද? මදුරු රෝග සම්බන්ධයෙන් සෞඛ්‍ය අංශවලින් අනතුරු ඇඟවීම්!
