තිලංග සුමතිපාල පදනම මගින් 9 වන වරටත් සංවිධානය කරනු ලැබූ “මිලිනා මාතා ශිෂ්යත්ව ප්රදානය” අද (දෙසැම්බර් 28) කොළඹ සමස්ත ලංකා බෞද්ධ සම්මේලන ශාලාවේදී ඉතා උත්කර්ෂවත් අයුරින් පැවැත්විණි. ආර්ථික දුෂ්කරතා මධ්යයේ අධ්යාපනය හදාරන දූ පුතුන් දිරිමත් කිරීම මෙහි ප්රධාන අරමුණ වී තිබුණි.මෙම උත්සවයේදී දිවයිනේ විවිධ විශ්වවිද්යාල සඳහා තේරී පත්වූ සිසු සිසුවියන් වෙත ශිෂ්යත්ව ප්රදානය සිදුකළ අතර, පාසල් සිසුන් සඳහා අවශ්ය පොත්පත් සහ උපකරණ කට්ටල බෙදාදීම ද මෙහිදී සිදුකෙරිණි. උත්සවය ඇමතූ තිලංග සුමතිපාල මහතා සඳහන් කළේ රටේ අනාගතය භාර ගැනීමට සිටින දරු පරපුරේ අධ්යාපන කටයුතු වෙනුවෙන් ශක්තියක් වීම පදනමේ මූලික අභිප්රාය බවයි.මෙම අවස්ථාවට ජනප්රිය රංගන ශිල්පී සුරාජ් මාපා සහ රංගන ශිල්පිනී මිෂෙල් දිල්හාරා ඇතුළු සම්භාවනීය අමුත්තන් රැසක් සහභාගී වූහ. සිසුන් සහ දෙමාපියන් විශාල පිරිසකගේ සහභාගීත්වයෙන් පැවැති මෙම වැඩසටහන හරහා සිසුන්ගේ අධ්යාපන අභිලාෂයන් සාක්ෂාත් කර ගැනීමට මහත් පිටුවහලක් ලැබෙනු ඇත.
මිලිනා මාතා ශිෂ්යත්ව ප්රදානය 9 වන වරටත් උත්කර්ෂවත් අයුරින් කොළඹදී
