මෙරට අලි ගහනයේ වර්ධනයක්: කුඩා දළ ඇතුන්ගේ සංඛ්‍යාව කැපී පෙනෙන ලෙස ඉහළට!

පරිසර අමාත්‍ය වෛද්‍ය ධම්මික පටබැඳි මහතා උපුටා දක්වන සංඛ්‍යාලේඛනවලට අනුව, 2021 සහ 2024 කාලය තුළ ශ්‍රී ලංකාවේ කුඩා දළ ඇතුන්ගේ (juvenile tuskers) ගහනය සියයට 9.2 ක වර්ධනයක් පෙන්නුම් කර ඇත. අමාත්‍යවරයා සඳහන් කළේ 2021 වසරේදී මුළු අලි ගහනයෙන් සියයට 8.4 ක්ව පැවති කුඩා දළ ඇතුන්ගේ සංඛ්‍යාව, 2024 වසර වන විට සියයට 17.6 දක්වා ඉහළ ගොස් ඇති බවයි. මීට පෙර 1993 වසරේදී මෙම අගය පැවතියේ සියයට 11 ක් වශයෙනි. ​තවද, සමස්ත දළ ඇතුන්ගේ ගහනය ද එම කාල සීමාව තුළ සියයට 6 සිට සියයට 6.5 දක්වා වැඩි වී තිබේ. 2021 වසරේදී 5,879 ක් ලෙස වාර්තා වූ මෙරට සමස්ත අලි ගහනය 2024 වසර වන විට 7,451 දක්වා ඉහළ ගොස් ඇති බව ද අමාත්‍යවරයා වැඩිදුරටත් අනාවරණය කළේය.