මොරටුව මහේස්ත්‍රාත් අධිකරණ පරිශ්‍රයේදී නීතිඥවරයෙකුට පොලිස් නිලධාරියෙකු විසින් පහර දීමේ සිද්ධියක් සම්බන්ධයෙන් පොලිසිය පරීක්ෂණයක් ආරම්භ කර තිබේ.මෙම සිද්ධිය ඔක්තෝබර් 10 වැනිදා සිදුව ඇති අතර, සිය වාහනය අධිකරණ පරිශ්‍රයෙන් පිටතට ගැනීමට නීතිඥවරයෙකු උත්සාහ කිරීමේදී ඇති වූ බහින්බස් වීමක් හේතුවෙන් මෙම ගැටුම හටගෙන ඇති බව පොලිසිය පැවසීය. මේ සම්බන්ධයෙන් කරන ලද පැමිණිල්ලකට අනුව, සිද්ධියට සම්බන්ධ පොලිස් නිලධාරියා මොරටුව පොලිසිය විසින් අත්අඩංගුවට ගෙන අධිකරණයට ඉදිරිපත් කිරීමෙන් පසු 2025 ඔක්තෝබර් 13 දක්වා රක්ෂිත බන්ධනාගාරගත කරන ලෙස නියෝග කර ඇත.පහර කෑ නීතිඥවරයා සමඟ සිටි තවත් ජ්‍යෙෂ්ඨ නීතිඥවරයෙකු විසින් ගැටුම අතරතුරදී එම පොලිස් නිලධාරියාට වාචිකව තර්ජනය කර අපරාධ බලය භාවිතා කළ බවට එල්ල වන චෝදනා සම්බන්ධයෙන් මොරටුව පොලිස් මූලස්ථානය ද වෙනම විමර්ශනයක් ආරම්භ කර තිබේ.සිද්ධියට අදාළව, සීඩී පටයක පටිගත කරන ලද වීඩියෝ දර්ශන නඩු භාණ්ඩ ලෙස ලබාගෙන වැඩිදුර විමර්ශනය සඳහා යොමු කර ඇති බව පොලිසිය සඳහන් කළේය. එම අවස්ථාවේ සිටි ඇසින් දුටු සාක්ෂිකරුවන් කිහිප දෙනෙකුගේ ප්‍රකාශ ද වාර්තා කර ඇති අතර, මොරටුව කොට්ඨාසය භාර ජ්‍යෙෂ්ඨ පොලිස් අධිකාරීවරයාගේ (SSP) අධීක්ෂණය යටතේ වැඩිදුර විමර්ශන සිදු කරමින් පවතී.
මොරටුව අධිකරණ පරිශ්‍රයේදී නීතිඥයෙකුට පොලිස් නිලධාරියකුගෙන් පහර : සැකකාර නිලධාරියා රිමාන්ඩ්
