මෝටර් රථ ප්රවාහන දෙපාර්තමේන්තුවේ කාර් පැවරුම් අංශයේ සේවය කළ හිටපු නියෝජ්ය කොමසාරිස්වරියක, අල්ලස් හෝ දූෂණ චෝදනා විමර්ශන කොමිෂන් සභාව විසින් ඊයේ (12) අත්අඩංගුවට ගනු ලැබීය. දැනට මුදල් අමාත්යාංශයේ වෙළෙඳ හා ආයෝජන ප්රතිපත්ති දෙපාර්තමේන්තුවේ රාජකාරි කරමින් සිටියදී ඇය මෙලෙස විමර්ශන නිලධාරීන්ගේ භාරයට පත්ව තිබේ.මෙම අත්අඩංගුවට ගැනීම සිදු කර ඇත්තේ අංක GZ–6889 දරණ මෝටර් රථය සම්බන්ධයෙන් සිදුකළ දීර්ඝ විමර්ශනයක ප්රතිඵලයක් ලෙසය. අදාළ මෝටර් රථය පැවරීමේදී නීත්යනුකූල පදිංචියක් තහවුරු නොකර, නීති විරෝධී අයුරින් ඊට අනුමැතිය ලබා දීම සම්බන්ධයෙන් ඇයට බරපතළ දූෂණ චෝදනා එල්ල වී ඇත. මෙම සිදුවීම 2017 වසරේ පෙබරවාරි මස සිදුවූවක් බව අනාවරණය වේ.අල්ලස් කොමිසමට ලැබුණු විශේෂ තොරතුරක් මත මෙම මෙහෙයුම ක්රියාත්මක කර ඇති අතර, අදාළ නිලධාරිනිය සිය බලය අවභාවිත කරමින් රජයේ රෙගුලාසි උල්ලංඝනය කර ඇති බවට සාක්ෂි හමුවී තිබේ. මෙම සිදුවීම මෝටර් රථ ප්රවාහන දෙපාර්තමේන්තුවේ අභ්යන්තර පරිපාලන ක්රියාවලියේ පැවති යම් යම් දුර්වලතා පිළිබඳවද නැවත අවධානය යොමු කරවන්නකි.අත්අඩංගුවට ගත් සැකකාරිය කොළඹ ප්රධාන මහේස්ත්රාත් අධිකරණය හමුවට ඉදිරිපත් කිරීමෙන් අනතුරුව, දැඩි කොන්දේසි සහිතව ඇප මත මුදා හැරීමට අධිකරණය නියෝග කර ඇත. සිද්ධිය සම්බන්ධයෙන් අල්ලස් හෝ දූෂණ චෝදනා විමර්ශන කොමිෂන් සභාව වැඩිදුර විමර්ශන කටයුතු මෙහෙයවනු ලබයි.
රථ වාහන පැවරීමේ වංචාවක්: හිටපු නියෝජ්ය කොමසාරිස්වරියක් අල්ලස් දැලට
