රුපියල් ලක්ෂ 20ක අල්ලසක් ලබා ගත් සුරාබදු සැරයන්වරයෙකු අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් විසින් අත්අඩංගුවට ගෙන ඇත. අල්ලස් කොමිසම පවසන පරිදි, මෙම නිලධාරියා සුරාබදු දෙපාර්තමේන්තුවේ මත්ද්රව්ය නාශක අංශයට අනුයුක්තව සේවය කරයි. නීති විරෝධී යන්ත්ර සූත්ර භාවිත කරමින් ගංජා වගා කළ බවට චෝදනා එල්ල වූ දේශීය ඖෂධ කර්මාන්ත ශාලාවකට එරෙහිව නීතිමය පියවර ගැනීමෙන් වැළකී සිටීම සඳහා රුපියල් ලක්ෂ 20ක අල්ලසක් ඉල්ලා සිටීමේ චෝදනාව මත ඔහු අත්අඩංගුවට ගෙන තිබේ. අත්අඩංගුවට ගත් සැකකරු කොළඹ ප්රධාන මහේස්ත්රාත් අධිකරණයට ඉදිරිපත් කිරීමට නියමිතය.
රුපියල් ලක්ෂ 20ක අල්ලසක් ගත් සුරාබදු සැරයන් අත්අඩංගුවට
