නිලාවේලි පොලිස් ස්ථානයට අනුයුක්තව සේවය කළ පොලිස් නිලධාරියෙකු රුපියල් 10,000ක අල්ලසක් ලබා ගැනීමේ චෝදනාව මත අත්අඩංගුවට ගෙන ඇත. නිලාවේලි ප්රදේශයේ පදිංචිකරුවෙකු විසින් කරන ලද පැමිණිල්ලක් සම්බන්ධයෙන් කරන ලද විමර්ශනයකින් අනතුරුව ඊයේ (16) දින අල්ලස් කොමිසම විසින් මෙම අත්අඩංගුවට ගැනීම සිදු කරන ලදී. එම පැමිණිල්ලට අනුව, පැමිණිලිකරුගේ විදේශ ගමන් බලපත්රය සම්බන්ධ ලිපි ලේඛන සකස් කිරීම සඳහා අවශ්ය පොලිස් වාර්තාව ලබාදීම වෙනුවෙන් සැකකාර නිලධාරියා රුපියල් 10,000ක අල්ලසක් ඉල්ලා එය ලබාගෙන ඇත. ඊයේ සවස පැමිණිලිකරුගේ නිවසේදී අල්ලස් කොමිසම විසින් ඔහු අත්අඩංගුවට ගෙන ඇත. සැකකරු අද (17) කුච්චවේලි සංචාරක මහේස්ත්රාත් අධිකරණයට ඉදිරිපත් කිරීමට නියමිතය.
රුපියල් 10,000ක අල්ලසක් ගත් නිලාවේලි පොලිස් නිලධාරියෙක් අත්අඩංගුවට
