ලෝක කුසලානයේ බංග්ලාදේශ සිහිනය සුණු විසුණු කරමින් ශ්‍රී ලංකාවට කඩුලු 7ක තියුණු ජයක්!

​ශ්‍රී ලංකා කාන්තා ක්‍රිකට් කණ්ඩායම ලෝක කුසලාන තරඟාවලියේ ඔවුන්ගේ පළමු ජයග්‍රහණය වාර්තා කරමින් අතිවිශිෂ්ට ක්‍රිකට් තරඟයකින් බංග්ලාදේශය කඩුලු 7කින් පරාජය කිරීමට සමත් විය. ජයග්‍රහණය සඳහා අවසන් ඕවරයේදී ලකුණු 9ක් අවශ්‍යව තිබියදී, බංග්ලාදේශ ‘ටයිග්‍රස්’ කණ්ඩායම පන්දු 4ක් තුළ කඩුලු 4ක් අහිමි කර ගනිමින් බිඳ වැටුණේ ඔවුන්ගේ අවසන් පූර්ව වටයේ බලාපොරොත්තුද එතැනින්ම අවසන් කරමිනි. බංග්ලාදේශ ඉනිමේදී නායිකා නිගර් සුල්තානා ජොටි සහ ෂාර්මින් අක්තාර් ශක්තිමත් ආරම්භයක් ලබා දුන්නද, අවසානය දක්වා කණ්ඩායම රැගෙන යෑමට ඔවුන්ට නොහැකි විය.​ශ්‍රී ලංකා ඉනිමේ ප්‍රධානතම දස්කම් දැක්වූයේ පන්දු 109කදී ලකුණු 85ක් ලබා ගත් හසිනි පෙරේරා වන අතර, ඇය සිය පළමු ජාත්‍යන්තර එක්දින අර්ධ ශතකය වාර්තා කළේ ජයග්‍රහණයට මඟ විවර කරමිනි. ඉනිම ආරම්භයේදීම විශ්මි ගුණරත්න ලකුණු නොලබා දැවී ගියද, චමරි අතපත්තු සමග එක්ව ඉනිම ගොඩනැගූ හසිනි, අනතුරුව නායිකාව දැවී ගිය පසුත් ඉනිමේ මුල්ගල බවට පත් විය. මැද පෙළේ කඩුලු කිහිපයක් ඉක්මනින් දැවී යෑමෙන් පසු නිලක්ෂිකා සිල්වා (37) සමඟ එක්ව ශක්තිමත් සබඳතාවක් ගොඩනැගූ හසිනි පෙරේරා අවසානයේ දැවී ගියේ ශ්‍රී ලංකාව 202කට සීමා කරමිනි.​පිළිතුරු ඉනිම ඇරඹූ බංග්ලාදේශය ආරම්භයේදීම රුබියා හයිඩර්ගේ කඩුල්ල අහිමි කර ගත්තද, ෂාර්මින් අක්තාර් (64) සහ නායිකා නිගර් සුල්තානා ජොටි (77) ඉනිම මැනවින් ගොඩනැගූහ. මොවුන් දෙදෙනා එක්ව සිව්වන කඩුල්ල වෙනුවෙන් ශක්තිමත් සම්බන්ධතාවක් ගොඩනැගූ අතර, ෂාර්මින් අක්තාර් ආබාධයකට ලක්ව පිටියෙන් ඉවත් වීමෙන් පසුව පවා ජොටි සමග එක්වූ ෂෝර්නා අක්තාර් (19) ජයග්‍රහණය අතට ගැනීමට සමීප විය.​අවසන් ඕවර කිහිපයේදී පීඩනය වැඩි වුවද ජයග්‍රහණය සඳහා පන්දු 6කට ලකුණු 9ක් අවශ්‍ය වන තැනට බංග්ලාදේශය පැමිණියේය. ඒ වන විට රිටු මෝනිගේ කඩුල්ල සුගන්ධිකා කුමාරි විසින් දවා ගෙන තිබුණි. තරගයේ තීරණාත්මකම මොහොත වූ අවසන් ඕවරය යැවීමට පැමිණියේ නායිකා චමරි අතපත්තුයි.​චමරිගේ විශිෂ්ට පන්දු යැවීම හමුවේ අවසන් ඕවරයේදී පන්දු හතරක් තුළ කඩුලු හතරක් බිඳ වැටීමෙන් බංග්ලාදේශයේ සියලු බලාපොරොත්තු සුන් විය. රබේයා ඛාන් සහ මරුෆා අක්තාර් දැවී යෑමෙන් පසු, ධාවනය වෙමින් සිටි නහිදා අක්තාර් දුවද්දී දැවී ගිය අතර, තෙවන පන්දුවේදී නායිකා නිගර් සුල්තානා ජොටි ද දැවී යෑමත් සමගම ශ්‍රී ලංකාව ලකුණු 7ක තියුණු ජයග්‍රහණයක් ලබා ගත්තේ ලෝක කුසලාන තරඟාවලියේ ඉදිරි වටයේ අවස්ථාවන් තවදුරටත් රඳවා තබා ගනිමිනි.