ප්රතිව්යුහගත කිරීමේ ක්රියාවලියේදී තමන්ට ලබාදුන් පොරොන්දු ඉටු නොකර ලංකා විදුලිබල මණ්ඩලය විසුරුවා හැරීමට රජය ගැසට් නිවේදනයක් නිකුත් කළහොත්, පූර්ව දැනුම්දීමකින් තොරව ක්ෂණික වැඩවර්ජනයක නිරත වන බව විදුලි වෘත්තීය සමිති අනතුරු අඟවයි. ඊයේ කොළඹ පැවැති මාධ්ය හමුවකදී වෘත්තීය සමිති නියෝජිතයන් ප්රකාශ කළේ ඉංජිනේරු සංගමය, කාර්මික ඉංජිනේරු සහ නිලධාරීන්ගේ සංගමය සහ කාර්මික ශිල්පීන්ගේ සංගමය ඇතුළු විදුලි වෘත්තීය සමිති 24ක් මෙම ක්රියාමාර්ගයට එක්වීමට සූදානමින් සිටින බවයි.මෙම ප්රතිව්යුහගත කිරීමේ සැලසුම යටතේ ලංකා විදුලිබල මණ්ඩලය වෙනුවට අනුබද්ධ සමාගම් හයක් පිහිටුවීමට නියමිත අතර, වත්කම්, වගකීම් සහ මෙහෙයුම් කටයුතු ඒ අනුව බෙදා හැරීමට නියමිතය. නීතිපතිවරයා, මුදල් අමාත්යවරයා සහ මහා භාණ්ඩාගාරයේ මගපෙන්වීම යටතේ මෙම රාමුව දැනටමත් අවසන් කර ඇත. ඒ අනුව, කැබිනට් අනුමැතිය හිමි වූ වහාම විදුලිබල මණ්ඩලය නිල වශයෙන් විසුරුවා හරින දිනය විෂය භාර අමාත්යවරයා විසින් ගැසට් මගින් ප්රකාශයට පත් කරනු ඇතැයි අපේක්ෂා කෙරේ.
විදුලි බල මණ්ඩලය විසුරුවා හැරීමට එරෙහිව වෘත්තීය සමිතිවලින් දැඩි අනතුරු ඇඟවීමක්!
