ශ්රී ලංකා මහ බැංකුව නිකුත් කළ නවතම දත්ත වාර්තාවලට අනුව, 2026 වසරේ මාර්තු මාසය තුළ මෙරටට ලැබී ඇති විදේශ ප්රේෂණ ප්රමාණය ඇමෙරිකානු ඩොලර් මිලියන 814.8 ක් දක්වා කැපී පෙනෙන වර්ධනයක් පෙන්නුම් කර ඇත. විදේශගත ශ්රමිකයින් විසින් මෙරටට එවන ලද මෙම මුදල් ප්රමාණය මෙරට ආර්ථික ස්ථාවරත්වය කෙරෙහි ධනාත්මක බලපෑමක් එල්ල කරන ප්රධාන සාධකයක් බව මහ බැංකු වාර්තාවේ සඳහන් වේ.පසුගිය 2025 වසරේ මාර්තු මාසය හා සැසඳීමේදී මෙම වර්ධනය ඉතා පැහැදිලිව දැකගත හැකිය. පසුගිය වසරේ එම කාලසීමාව තුළ මෙරටට ලැබුණේ ඩොලර් මිලියන 693.3 ක් පමණක් වන අතර, ඒ අනුව මේ වසරේ මාර්තු මාසය තුළ පමණක් ඩොලර් මිලියන 121.5 ක අතිරික්ත ප්රේෂණ ප්රමාණයක් මෙරටට ලැබී තිබේ.2026 වසරේ ආරම්භයේ සිටම විදෙස් ප්රේෂණවල සැලකිය යුතු ප්රගතියක් වාර්තා වේ. ජනවාරි මාසයේ සිට මාර්තු දක්වා වූ මුල් මාස තුනක කාලය තුළ පමණක් විදෙස්ගත ශ්රමිකයන් විසින් ඇමෙරිකානු ඩොලර් බිලියන 2.29 ක මුදලක් දිවයිනට එවා ඇති බව මහ බැංකු දත්ත වැඩිදුරටත් අනාවරණය කරයි.මෙම අගය පසුගිය වසරේ මුල් කාර්තුවට සාපේක්ෂව සියයට 26.5 ක අතිවිශාල වර්ධනයක් ලෙස හඳුනාගෙන ඇත. මෙරට විදේශ විනිමය සංචිත ශක්තිමත් කිරීම සඳහා ශ්රමික ප්රේෂණ අඛණ්ඩව ඉහළ යාම මෙරට මූල්ය ක්ෂේත්රයේ ප්රබල සන්ධිස්ථානයක් ලෙස ද ආර්ථික විශ්ලේෂකයෝ පෙන්වා දෙති.
විදෙස් ප්රේෂණ වාර්තාගත ලෙස ඉහළට
