ශ්‍රී ලංකාව තුළ ඕනෑම වාහනයක් ධාවනය කිරීමට විදේශිකයින් වලංගු රියැදුරු බලපත්‍ර හෝ ආධාරක ලේඛන තිබිය යුතු බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී එෆ්. යූ. වුට්ලර් මහතා පවසයි. විදේශිකයන් ජාත්‍යන්තර රියැදුරු බලපත්‍රයක් (International Driving Permit) හෝ ඔවුන්ගේ මව් රටේ දේශීය රියැදුරු බලපත්‍රයක් තිබිය යුතු බවත්, ඊට අමතරව ශ්‍රී ලංකාවේ මෝටර් රථ ප්‍රවාහන දෙපාර්තමේන්තුවෙන් සහතිකයක් හෝ බලපත්‍රයක් ලබා ගත යුතු බවත් ඒ මහතා මාධ්‍ය වෙත පැවසීය. වර්ධනය වන ප්‍රවණතාවක් ඉස්මතු කරමින් ඔහු කියා සිටියේ, සංචාරකයින් මෙරට තුළ ත්‍රිරෝද රථ ධාවනය කිරීම නීති විරෝධී බවයි. “සංචාරකයින් ත්‍රිරෝද රථ භාවිතා කරන අවස්ථා අපි දැක තිබෙනවා. මෙය සම්පූර්ණයෙන්ම නීති විරෝධීයි. අපි එම ත්‍රිරෝද රථ හිමිකරුවන්ට එරෙහිව ද නීතිමය පියවර ගෙන තිබෙනවා,” යනුවෙන් ඔහු වැඩිදුරටත් පැවසීය.
විදේශිකයින් ත්‍රිරෝද රථ පැදවීම සම්පූර්ණයෙන්ම නීති විරෝධියි!
