ශ්රී ලංකාවේ ඩිජිටල් පරිවර්තනය වෙනුවෙන් ඇමරිකානු ඩොලර් මිලියන 50ක ව්යාපෘතියක් සඳහා ලෝක බැංකු විධායක අධ්යක්ෂ මණ්ඩලය අද අනුමැතිය ලබා දුන්නේය. ‘ශ්රී ලංකා ඩිජිටල් පරිවර්තන ව්යාපෘතිය’ ලෙස නම් කර ඇති මෙහි ප්රධාන අරමුණ වන්නේ රාජ්ය සේවාවන් නවීකරණය කිරීම, දත්ත හුවමාරුව සඳහා ආරක්ෂිත පද්ධති ස්ථාපිත කිරීම සහ ඩිජිටල් ලේඛන ගබඩා කිරීමේ පහසුකම් (Digital Locker) හඳුන්වා දෙමින් ජනතාවට සහ ව්යාපාරිකයින්ට වඩාත් කාර්යක්ෂම සේවාවක් ලබා දීමයි. මෙම ඩිජිටල් යටිතල පහසුකම්වලට අමතරව, එම සේවාවන් විශ්වාසයෙන් යුතුව භාවිතා කිරීමට පුරවැසියන් සහ රාජ්ය සේවකයින් පුහුණු කිරීමේ වැඩසටහන් ද මෙයට ඇතුළත් වේ.ශ්රී ලංකාවේ සහ මාලදිවයිනේ ලෝක බැංකු කළමනාකරු ගෙවෝර්ග් සර්ග්සියන් මහතා පෙන්වා දෙන්නේ ඩිජිටල් පරිවර්තනය හරහා වඩාත් යහපත් සේවාවක් සැපයිය හැකි අතර පෞද්ගලික අංශය මූලික කරගත් නවෝත්පාදනයන් සඳහා ද අවස්ථා නිර්මාණය වන බවයි. මෙම ව්යාපෘතිය යටතේ විශේෂයෙන්ම තාක්ෂණික ආරම්භක ව්යාපාර (Start-ups) දිරිමත් කිරීම, කාන්තා ව්යවසායකත්වය ප්රවර්ධනය කිරීම සහ මෙරට මධ්යම පරිමාණයේ තාක්ෂණික සමාගම්වලට ජාත්යන්තර වෙළඳපොළට පිවිසීමට සහාය වීම සිදු කෙරේ. එමගින් ඉදිරියේදී ඩොලර් මිලියන 10ක පමණ පෞද්ගලික ආයෝජන ආකර්ෂණය කර ගැනීමටත්, තොරතුරු තාක්ෂණ අපනයන ආදායම වැඩිකර ගැනීමටත් අපේක්ෂා කෙරේ.එසේම, මෙම ඩිජිටල් පද්ධති ශක්තිමත් කිරීම හරහා සුළි කුණාටු වැනි දේශගුණික විපත් සහ හදිසි අවස්ථාවන්ට මුහුණ දීමේ හැකියාව ද ඉහළ යනු ඇත. දත්ත මත පදනම් වූ තීරණ ගැනීම සහ තොරතුරු කඩිනමින් හුවමාරු කර ගැනීම මගින් විපත් පවතින කාලසීමාවන්හිදී පවා අත්යවශ්ය රාජ්ය සේවාවන් අඛණ්ඩව පවත්වාගෙන යාමටත්, පීඩාවට පත් ජනතාවට විද්යුත් ක්රමයට සහන සැපයීමටත් මෙයින් මග පෑදේ. ඩිජිටල් ආර්ථික අමාත්යාංශය සමඟ එක්ව ‘GovTech Sri Lanka’ පුද්ගලික සමාගම මගින් ක්රියාත්මක කරන මෙම ව්යාපෘතිය, ශ්රී ලංකාවේ ඇතුළත් සහ කාර්යක්ෂම ඩිජිටල් අනාගතයක් ගොඩනැගීමේ තීරණාත්මක සන්ධිස්ථානයක් වනු ඇත.
ශ්රී ලංකාවේ ඩිජිටල් විප්ලවයට ලෝක බැංකුවෙන් ඇමරිකානු ඩොලර් මිලියන 50ක දැවැන්ත අත්වැලක්
