‘ශ්රී ලංකාව නැවත ගොඩනැගීමේ අරමුදල’ (Rebuilding Sri Lanka) පාර්ලිමේන්තු අනුමැතියකින් තොරව පිහිටුවිය නොහැකි බව සමගි ජන බලවේගය (SJB) පාර්ලිමේන්තු මන්ත්රී හර්ෂ ද සිල්වා මහතා අද ප්රකාශ කළ අතර, ඒ සඳහා පාර්ලිමේන්තුවේ අනුමැතිය ලබා ගන්නා ලෙස රජයෙන් ඉල්ලා සිටියේය. ආණ්ඩුක්රම ව්යවස්ථාව අනුව, පොදු මුදල් පිළිබඳ පූර්ණ පාලනය පාර්ලිමේන්තුව සතු බව ඔහු පාර්ලිමේන්තුවට පැවසීය. මහජන මූල්ය කළමනාකරණ පනතට අනුව, ව්යවස්ථාපිත අරමුදල් අභිමතය පරිදි ස්ථාපිත කළ නොහැකි බවත්, මෙම අරමුදල ආණ්ඩුක්රම ව්යවස්ථාවට සහ මහජන මූල්ය කළමනාකරණ පනතට අනුව පිහිටුවිය යුතු බවත් මන්ත්රීවරයා වැඩිදුරටත් පැවසීය. “අරමුදල පිහිටුවීමට අපේ විරෝධයක් නැහැ. එය ආණ්ඩුක්රම ව්යවස්ථාවට සහ මහජන මූල්ය කළමනාකරණ පනතට අනුකූලව පිහිටුවිය යුතුයි,” ඔහු පැවසීය.
‘ශ්රී ලංකාව නැවත ගොඩනැගීමේ අරමුදල’ සඳහා පාර්ලිමේන්තු අනුමැතිය අවශ්යයි – හර්ෂ ද සිල්වා
